Bir neçə il sonra “Premium” benzininə tələbat olmayacaq – ekspert

Bakı/03.06.21/Turan: İqtisadçının Natiq Cəfərli Turan Agentliyinin “Çətin sual” verilişinə müsahibəsində “premium” markalı benzinin bugünki qiymət artımını şərh edib.

Onun sözlərinə görə, dünya bazarının konyunkturası daxili qiymətlərə təsir göstərir, amma qiymətlərin artmasına daha çox inhisarçılıq səbəb olur.

“Bazar kənar satıcılar üçün bağlıdır, onları bazara buraxmırlar. Maraqlıdır ki, bu, təkcə yanacağın topdan satışına aid deyil. Azərbaycanda müxtəlif YDM şəbəkələri fəaliyyət göstərir və hamısında qiymətlər eynidir. Amma qonşu Gürcüstanda mənzərə fərqlidir. Orada YDM-lərdə qiymətlər cüzi də olsa, fərqlənir. Bu, YDM sahiblərinin benzini fərqli topdansatış məntəqəsindən alır”, deyə Cəfərli bildirib.

İqtisadçı qeyd edib ki, məsələn, Avstriyada premium benzinin qiyməti 1,25 avrodur. Bu ölkədə orta əmək haqqı 3.600 avrodur. Azərbaycanda “premium”un topdan qiyməti 70 avrosent və ya 1,4 manata bərabərdir, orta əmək haqqı isə 690 manat (345) avrodur.

 Qiymətlərə vergi də təsir edir. Avropa ölkələrində neft məhsullarına qoyulan vergilər birbaşa vergilərdir, bizdə isə bu vergilər gömrük yığımlarına daxildir.

Cəfərli qeyd edib ki, onillərdir neft istehsal edən və onu emal edən Azərbaycanda keyfiyyətli neft məhsulları, hətta benzin belə istehsal edilmir.

 Bunu onunla izah edirlər ki, bunun üçün müasir texnologiya və ciddi investisiyalar tələb olunur. Əslində SOCAR-ın Türkiyədəki törəmə müəssisəsi premium benzin istehsal edir.

 Biz 15 il gecikirik. Bu gün premiumun istehsalına başlamağı düşünürük, inkişaf etmiş ölkələrdə isə yeni, daha keyfiyyətli yanacaq növlərinin yaradılması üzərində iş gedir. Bundan başqa, dünya avtomobil sənayesi daxili yanma mühərriklərdən imtina istiqamətində irəliləyir. Bir neçə il sonra “premium”a tələbat olmayacaq”, deyə ekspert qeyd edib. -0-