Ənvər Əliyev: «Milli Dirçəliş Günü xalqın birlik bayramıdır»

Noyabrın 17-də Azərbaycanda Milli Dirçəliş Günü qeyd olunur. 1988-ci il noyabrın 17-də Bakıda keçmiş sovet imperiyasının Azərbaycan əleyhinə siyasətinə qarşı mitinqlər başlayıb. Mitinqlər dekabrın 5-dək davam edib.

17 noyabr mitinqlərinin təşkilatçısı Ənvər Əliyev Turan-a müsahibəsində Milli Dirçəliş Gününün tarixi dərslərindən danışıb.

“Bu  gün - Azərbaycan tarixinin ən şərəfli bayramı olan Milli Dirçəliş Günü mövcud hökumətimiz tərəfindən az qala bayramlar siyahısından çıxarılıb. Ölkənin bütün varlığını silkələyən, bütün dünyaya səs salan, Azərbaycan xalqını dünyada ilin xalqı elan edən bir mübarizə məktəbinə, mübarizə institutuna bu cür münasibəti mən təəssüflə qeyd edirəm. Ona verilən qiymətlə qətiyyən razı deyiləm”, - İ.Əliyev “Çətin sual” proqramına müsahibəsində bildirib.

O hesab edir ki, dirçəliş günü xalqın birlik bayramıdır. “Biz ermənilərə nə qədər böyük birlik, təşkilatçılıq qabiliyyəti olan bir xalq olduğumuzu göstərdik. Bunu həm də bütün dünyaya nümayiş etdirdik. Amma bu gün təəssüf ki, ona münasibət o prizmaların heç birinə uyğun gəlmir”, - İ.Əliyev təəssüflə qeyd edib.             

Ə. Əliyev bugünki dərsliklərdə də Milli Dirçəliş Gününü əks etdirən mətnlərin olmadığını bildirib.

“Təfəkkürlərdə ancaq bir qrup o dövrü yaşamış, o çətin günlərdə heç nəyə baxmadan bütün varlığını, gələcəyini sərf eləyən insanları çıxmaq şərtilə, indiki zamanda onu xatırlayanlar çox azdır”.

O, hazırki  hökumət rəhbərlərinin də o dövrə normal qiymət verə  bilmədiyini xatırladıb. “Çünki hakimiyyətdə olanların bir çoxu həmin dövrdə küçəyə çıxan xalqı alçaldıcı adlarla qovdu, hətta narkoman deyənlər də var idi. Onların üstünə silah çəkənlər nəinki parlamentdə deputatdır, hətta komissiyalarda oturublar, Azərbaycan xalqının mübarizə tarixindən dərs deyirlər”.

İ.Əliyev Azərbaycanın o vaxtkı  mübarizə dəyərlərinə  önəm verməsinin vacibliyini deyib.

“O zaman xalq sovet imperiyasına qarşı  birləşib öz müstəqilliyini qazandı. Bununla yanaşı  Dağlıq Qarabağ probleminin həlli üçün xalq meydanlara axışırdı. Bu gün dünyada qütbləşmə prosesinin dərinləşdiyi bir vaxtda Azərbaycan kimin yanında olmasını müəyyənləşdirməlidir”, -o qeyd edib.03B-