Fərrux kəndi kimin nəzarətindədir? Azərbaycan ordusu geri çəkilib? – Üzeyir Cəfərov “Çətin sual" qarşısında

Bakı/28.03.22/Turan: Müdafiə Nazirliyinin son bəyanatında deyilir ki, Rusiya Federasiyası Müdafiə Nazirliyinin 2022-ci il 27 mart tarixli açıqlamasında əks olunan məqamlar həqiqətə uyğun deyildir.

“Azərbaycan Ordusunun ölkəmizin suveren ərazilərinin tərkib hissəsi olan Fərrux kəndi və ətraf yüksəkliklərdəki mövqelərində heç bir dəyişiklik baş verməyib.

Azərbaycan Ordusunun bölmələrinin həmin mövqelərdən geri çəkilməsi haqqında məlumat həqiqəti əks etdirmir. Ordumuz əməliyyat şəraitinə tam nəzarət edir.

Bir daha xatırlatmaq istərdik ki, Azərbaycan ərazisində “Dağlıq Qarabağ” adlı inzibati ərazi vahidi yoxdur. Müdafiə Nazirliyi bir daha bildirir ki, Azərbaycanın Xocalı rayonunda "Furux" adlı kənd yoxdur. Qeyd edilən kəndin adı FƏRRUXDUR.” Bəyanatda belə deyilir.

Bir neçə gündür Fərrux kəndi ətrafında yaranmış müzakirələr, eləcə də Xankəndinin qazla təchizatı ilə bağlı hərbi ekspert Üzeyir Cəfərov Kamran Mahmudovun təqdimatında yayımlanan “Çətin sual” verilişində danışır.