![Fransa niyə Azərbaycanı onun əyalətlərini qarışdırmaqda ittiham edir? – Elxan Şahinoğlu saat 16:00-da Çətin sualda](https://turan.az/resized/news/2024/4oFfOji2UcqYp32fdHzdOiwxNgU2zdfGYgwaTSa0-750-500-resize.webp)
Fransa niyə Azərbaycanı onun əyalətlərini qarışdırmaqda ittiham edir? – Elxan Şahinoğlu saat 16:00-da Çətin sualda
Avropa Parlamentinin deputatı Fransua Bellami Azərbaycanı Fransanı parçalamaqda ittiham edib.
Deputat bildirib ki, Yeni Kaledoniyanın işlərinə qarışdıqdan sonra Azərbaycan Polineziyanı Fransanın nəzarətindən azad etməyə hazırlaşdırır:
“Bunun üçün Azərbaycan Polineziyanın seçilmiş nümayəndə heyətinə ev sahibliyi edir. Daha nə vaxta qədər dövlət Əliyevə Fransanı parçalamaq üçün işləməyə icazə verəcək?”.
Mayın 30-da Bakıda "Fransız Polineziyasının Dekolonizasiya Hüququ - Çağırışlar və Perspektivlər" mövzusuna həsr edilən konfrans keçirilib.
Fiqaro yazır ki, Fransa Polineziyasından olan deputatlar arxipelaqın dekolonizasiyasını müzakirə etmək üçün Bakıya səfər ediblər. Nəşrin yazdığına görə, səfər iğtişaşların baş verdiyi Yeni Kaledoniyada hadisələrə müdaxilə ilə bağlı Azərbaycana qarşı ittihamlar fonunda baş tutub. Azərbaycanın Parisdəki səfirliyi səfəri şərh edərək, konfransın təşəbbüskarının hökumət olmadığını bildirib və müdaxilə ritorikasına son qoymağa çağırıb.
Xatırladaq ki, bir neçə gün bundan öncə Fransanın daxili işlər naziri Gerald Darman Yeni Kaledoniyadakı iğtişaşlara münasibət bildirərkən “bəzi müstəqillik liderləri Azərbaycanla sövdələşmə aparıb” deyərək, xarici müdaxilədən danışıb, lakin heç bir sübut göstərməyib.
Azərbaycan Xarici İşlər Nazirliyi (XİN) Darmanın bu çıxışı ilə bağlı açıqlama verib. Açıqlamada Fransanın daxili işlər nazirinin dedikləri əsassız adlandırılıb.
Baş verənlər barədə siyasi şərhçi Elxan Şahinoğlu Kamran Mahmudovun təqdimatında yayımlanan “Çətin sual” verilişində danışır.
-
- Siyasət
- 31 May 2024 23:39
Çətin sual
-
Sentyabrın 1-nə təyin olunmuş növbədənkənar parlament seçkilərində iştirak etmək üçün imzatoplama kampaniyası hazırda davam edir. Hazırda mindən çox şəxsin namizəd olmaq üçün müraciət etdiyi bildirilir.
-
Son vaxtlar aqressiyanın artmasının səbəbi olaraq şok effekti yaradan kriminal xəbərləri tez-tez eşidirik.
-
İlin sonuna kimi məktəblərdə adambaşına maliyyələşmə sisteminə keçid planlaşdırılır. Elm və təhsil naziri Emin Əmrullayevin sözlərinə görə, bu, bir neçə məktəbdə pilot kimi həyata keçiriləcək: "Sınaq uğurlu olsa, inkişaf üçün cəbhə yaranacaq. Bununla da məktəb muxtariyyəti və müəllimlər tərəfindən idarə olunması üçün yaxşı zəmin yaranacaq".
-
Ermənistanın baş naziri Nikol Paşinyan Böyük Britaniyada Azərbaycan prezidenti İlham Əliyevlə görüşdən imtina edib. Bunu Azərbaycan prezidentinin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyev "Report"a bildirib.
Rəy yaz