![](https://turan.az/resized/news/2024/b5OlMZq1CvWKY0562edm1czG4TfFgI2hISXamqvn-750-500-resize.webp)
Avropalı deputatlar Azərbaycanlı məmurlara sanksiya tələb edir
Mayın 31-də Brüsseldə Avropa Parlamentinin İnsan Haqları Alt Komitəsinin sədri, Udo Bullmann, Cənubi Qafqazla Əlaqələr üzrə nümayəndəliyin sədri Marina Kaljurand və Avropa Parlamentinin Azərbaycan üzrə daimi məruzəçisi Željana Zovko Azərbaycanda fərqli fikrin bütün formalarına qarşı amansız repressiyaya dair birgə bəyanat verib.
Bəyanatda deyilir: “Biz bu yaxınlarda Dr Qubad İbadoğlunun ibtidai istintaqının bir ildən artıq müddətə uzadılmasını və ona qarşı uydurulmuş ittihamlarla təqiblərə davam etməsi pisləyirik. Biz Avropa Parlamentinin Azərbaycan hakimiyyətinə çağırışını bir daha təkrar edirik ki, dərhal ona qarşı olan bütün ittihamları ləğv edin və təcili müalicə üçün xaricə getməsinə icazə verin." Deputatlar həmçinin bildiriblər ki, onlar Azərbaycanda bütün tənqidi səslərə qarşı davamlı repressiyaları və ədalət mühakiməsinin sistemli şəkildə pozulmasını qətiyyətlə pisləyirlər: “Hüquq müdafiəçisi, Seçkilərin Monitorinqi və Demokratiyanın Tədrisi Mərkəzinin rəhbəri, Avropa Şurasının Vatslav Havel İnsan Haqları Mükafatı laureatı Anar Məmmədli aprelin 29-da qondarma qaçaqmalçılıq ittihamı ilə həbs olunub. Bu da Azərbaycanda vətəndaş cəmiyyətinə və bütün fərqli səslərə qarşı amansız təzyiq olduğunun göstəricisidir”.
Bəyanatda müstəqil medialar “AbzasMedia”, “Kanal 13” və “Toplum TV” də daxil olmaqla, Azərbaycanda qalan bir neçə müstəqil xəbər orqanının jurnalistlərinin böyük həbs dalğası və saxta ittihamlarla həbs edilməsindən də bəhs edilib. Bildirilib ki, hüquq müdafiəçilərinin həbsi də medialara basqıdan sonra baş verib.
“Təəssüf edirik ki, hazırda 300-ə yaxın siyasi məhbusu olan Azərbaycan dünyanın ən repressiv ölkələrindən biridir. Bütün siyasi məhbuslar azad edilməli və bütün siyasi motivli ittihamlar dərhal ləğv edilməlidir”.
Bəyanatda Azərbaycan beynəlxalq öhdəliklərinə əməl etməyə çağırılıb.
Deputatlar tələb ediblər ki, Avropa Parlamentinin 2023-cü il martın 15-də, sentyabrın 14-də və 2024-cü il aprelin 25-də qəbul edilən qərarlarına uyğun olaraq, bu ciddi insan hüquqları pozuntularında əli olan Azərbaycan məmurlarına qarşı cəza tətbiq edilsin.
Siyasət
-
Sentyabrın 1-də keçiriləcək Milli Məclisə növbədənkənar seçkilərdə deputatlığa namizəd olmaq üçün 806 nəfər dairə seçki komissiyalarına müraciət edib. Bu barədə Mərkəzi Seçki Komissiyasının (MSK) bugünki iclasında bu qurumun rəhbəri Məzahir Pənahov bildirib.
-
Cümə günü Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam edib. Məhkəmə Yasamal Rayon məhkəmə iclasının katibinin iki il əvvəl Hacıyev və zərərçəkmiş Ülviyyə Muradova (Alovlu) arasında münaqişə haqqında ifadəsini dinləyib.
-
35 gündür aclıq edən iqtisadçı Fazil Qasımov 1 saylı Bakı İstintaq Təcridxanasının tibbi sanitar hissəsinə keçirilib, bu barədə Turan-a iyulun 19-da günün ikinci yarısında vəkil Rövşanə Rəhimova bildirib.
-
Tbilisidə yerləşən Hüquq və Azadlıqların Müdafiəsi İnstitutu Azərbaycanın Azel.tv saytının təsisçisi Əfqan Sadıqovun üçüncü ölkələrə getməsinə qadağa qoyulması ilə əlaqədar bəyanat yayıb.
Rəy yaz