![NATO chief dismisses Russian warnings after arms restrictions lifted](https://turan.az/resized/news/2024/vRt0oogREuBY3FVgHnjb7QVrHXYGxzeZPkDp9z6f-750-500-resize.webp)
NATO chief dismisses Russian warnings after arms restrictions lifted
NATO-nun baş katibi silah tədarükünə məhdudiyyətləri ləğv etdikdən sonra Rusiyanın xəbərdarlıqlarını rədd edib
Reuters: NATO-nun baş katibi Yens Stoltenberq cümə günü Rusiya prezidenti Vladimir Putinin Ukraynanın Rusiyaya zərbə endirmək üçün Qərb silahlarından istifadə etməsinə icazə verilməsinin eksalasiyaya səbəb ola biləcəyi ilə bağlı xəbərdarlığını rədd edib.
Praqada NATO xarici işlər nazirlərinin iclası çərçivəsində çıxış edən Stoltenberq bildirib ki, Şimali Atlantika İttifaqı bundan əvvəl də dəfələrlə oxşar xəbərdarlıqlar eşidib və özünümüdafiə eskalasiya deyil.
“Bu, yeni bir şey deyil. Uzun müddətdir, hər dəfə NATO müttəfiqləri Ukraynaya dəstək verəndə prezident Putin bizi hədələməyə çalışır ki, bunu etməyək”, deyə o, jurnalistlərə bildirib.
"Eskalasiya - yaxşı, Rusiya başqa bir ölkəni işğal etməklə eskalasiyaya getdi".
Çərşənbə axşamı Putin NATO üzvlərini Ukraynanın Rusiya ərazisində silahlarından istifadə etməsinə icazə verməmək barədə xəbərdarlıq edib və bir neçə müttəfiqin Kiyevə bağışladığı silahların istifadəsinə qoyulan məhdudiyyətləri aradan qaldırdıqdan sonra nüvə müharibəsi riskini yenidən artırıb.
ABŞ dövlət katibi Antoni Blinken Praqada təsdiqləyib ki, nəzarəçarpacaq siyasət dəyişikliyi nəticəsində ABŞ prezidenti Co Bayden Ukraynanın Xarkov şəhərinə hücum edən Rusiya daxilindəki hədəflərə zərbələr endirmək üçün Ukraynanın ABŞ silahlarından istifadə etməsinə razılıq verib.
O deyib ki, Vaşinqtonun bu addımı ABŞ-ın döyüş meydanındakı vəziyyətə uyğunlaşma strategiyasının nəticəsidir və bu addımı zəruri edənin məhz Moskvanın Xarkova hücumları olduğunu göstərir.
Ukraynanın ikinci ən böyük şəhəri olan Xarkov Rusiya sərhədindən 19 mil (30 km) məsafədədir.
-
- Siyasət
- 31 May 2024 23:39
Dünyada
-
Rusiya Xarici İşlər Nazirliyinin rəsmi nümayəndəsi Mariya Zaxarova cümə axşamı bildirib ki, Ermənistanın NATO-ya qoşulmağa çalışması təəssüf və narahatçılıq doğurur və Yerevanın hərəkətləri bütövlükdə Cənubi Qafqaz regionunda sabitliyi poza bilər.
-
Rusiya qoşunlarının Ukrayna müdafiəsini amansızcasına təzyiqi nəticəsində Ukrayna ordusu Donetsk vilayətinin şərqindəki Urojaynoye kəndindən geri çəkilib.
-
Slovakiya və Macarıstan bildiriblər ki, Ukrayna keçən ay Rusiya enerji şirkətinin resurslarının öz ərazisindən tranzitinə qadağa qoyduqdan sonra əsas tədarükçü “Lukoil”dan neft almağı dayandırıb.
-
Ukraynanın müdafiə naziri çərşənbə günü bildirib ki, keçmiş prezident Donald Tramp ikinci müddətə yenidən seçilərsə, Ukrayna baş verən hər şeyin öhdəsindən gəlmək üçün bir yol tapacaq və bu, ABŞ-ın Rusiya qoşunlarının işğalından müdafiəsinə verdiyi həyati dəstəyi şübhə altına alacaq.
Rəy yaz