![Iran Ermənistana görə Azərbaycanla münasibətlərini korlamağa çalışır? – Zərdüşt Əlizadə “Çətin sual" qarşısında](https://turan.az/resized/media/2021/main/091700038462-750-500-resize.webp)
Iran Ermənistana görə Azərbaycanla münasibətlərini korlamağa çalışır? – Zərdüşt Əlizadə “Çətin sual" qarşısında
Bakı/17.09.21/Turan: 3 gün ərzində Azərbaycan prezidentinin beynəlxalq məsələlər üzrə köməkçisi Hikmət Hacıyev İran səfiri Seyid Musavi ilə iki görüş keçirib. İlk görüş sentyabrın 13-də olmuşdu, onun məzmunu haqda konkret heç nə deyilmədi. Lakin aydın idi ki, söhbət Bakının etirazına rəğmən, Qarabağa yanacaq daşıyan yük maşınlarından gedib. Səfirlə ilk görüşdən sonra vəziyyət dəyişməyib və iranlılar Qarabağa getməkdə davam ediblər. Sentyabrın 15-də azərbaycanlı hərbçilər iki iranlı sürücünü faktiki olaraq həbs edərək onların məsuliyyətə cəlb ediləcəyini bildiriblər. Şübhə yoxdur ki, İran səfiri ilə son söhbətin mövzusu da məhz bu vəziyyət olub.
Azərbaycan Gorus-Qafan yolunun öz ərazisindən keçən hissəsində yoxlamaları artırıb və sərtləşdirib. Bu da Ermənistanda ciddi narahatlığa səbəb olub. Ermənistanın baş naziri Nikol Paşinyan İranın yük maşınlarının Gorus-Qafan yolunun Azərbaycan polisinin nəzarəti altında olan hissəsində yoxlanılmasının mümkün səbəbini açıqlayıb. Dekabrda nəqliyyat vasitələri və yük tranziti üçün bu yoldan maneəsiz istifadəyə dair razılıq əldə olunub. Razılıq mətnində xarici yüklərin keçməsindən söhbət getmir, buna görə də Azərbaycan bundan istifadə edir. “Çox güman ki, bizim 9 noyabr və 11 yanvar tarixli bəyanatlarda Ermənistandan dəhliz verilməsindən bəhs edilmədiyi haqqında bəyanatlarımıza cavab olaraq”, deyə Paşinyan bildirib. Onun sözlərinə görə, Ermənistan MDB müqavilə-hüquq bazasında qeyd edildiyi kimi, xarici yüklərin ölkə sərhədini keçərkən gömrük, pasport məntəqələrindən və digər məntəqələrdən keçməli olması faktını qəbul edir.
Bəs İran niyə öz əməllərindən əl çəkmək istəmir? İrandan olan yükdaşıyan avtomobillərin sənədlərində niyə “Stepanakert Armenia” yazılır? İran bununla nə demək istəyir?
Bu və digər suallara siyasi şərhçi Zərdüşt Əlizadə Kamran Mahmudovun təqdimatında yayımlanan “Çətin sual” verilişində cavab verir. --0--
-
- İqtisadiyyat
- 17 Sentyabr 2021 15:20
Çətin sual
-
Sentyabrın 1-nə təyin olunmuş növbədənkənar parlament seçkilərində iştirak etmək üçün imzatoplama kampaniyası hazırda davam edir. Hazırda mindən çox şəxsin namizəd olmaq üçün müraciət etdiyi bildirilir.
-
Son vaxtlar aqressiyanın artmasının səbəbi olaraq şok effekti yaradan kriminal xəbərləri tez-tez eşidirik.
-
İlin sonuna kimi məktəblərdə adambaşına maliyyələşmə sisteminə keçid planlaşdırılır. Elm və təhsil naziri Emin Əmrullayevin sözlərinə görə, bu, bir neçə məktəbdə pilot kimi həyata keçiriləcək: "Sınaq uğurlu olsa, inkişaf üçün cəbhə yaranacaq. Bununla da məktəb muxtariyyəti və müəllimlər tərəfindən idarə olunması üçün yaxşı zəmin yaranacaq".
-
Ermənistanın baş naziri Nikol Paşinyan Böyük Britaniyada Azərbaycan prezidenti İlham Əliyevlə görüşdən imtina edib. Bunu Azərbaycan prezidentinin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyev "Report"a bildirib.
Rəy yaz