İranda nə baş verir? – Sədrəddin Soltan Çətin sual qarşısında

Bakı/21.09.22/Turan: İranda hicaba görə saxlanılan 22 yaşlı Məhsa Əmininin ölümü kütləvi etirazlara səbəb olub.

Sentyabrın 13-də paytaxta gələn Məhsa Əmini qardaşı ilə birlikdə metrodan çıxdığı zaman hicab taxma qaydalarını pozmaq ittihamı ilə hüquq-mühafizə orqanlarının əməkdaşları tərəfindən saxlanılıb. Gənc qız polis bölməsində işgəncələrə məruz qalıb. Zorakılığa məruz qalan 22 yaşlı qız sentyabrın 16-da Tehranın Kəsra xəstəxanasında həyatını itirib. İranın rəsmi qurumları onun ürək tutmasından öldüyünü iddia etsə də, ailəsi Məhsanın sağlam olduğunu bəyan edib. Bildirilib ki, qız xəstəlikdən deyil, aldığı xəsarətlərdən dünyasını dəyişib.

AzadlıqRadiosunun yaydığı məlumata görə, qarşıdurmalar zamanı 4 nəfər ölüb, 15 nəfər xəsarət alıb. İran hakimiyyəti bu məlumatı rəsmi təsdiqləməyib. Dövlət televiziyası bir neçə etirazçının saxlandığını bildirsə də, ölənlərlə bağlı xəbərləri təkzib edib. ABŞ dövlət katibi Entoni Blinken baş verən hadisələrə reaksiya verib. O, özünün “Twitter” hesabında  “qadınlara qarşı sistematik təqiblərə son qoymağa, dinc etirazlara imkan verməyə” çağırıb.

Baş verənlərlə bağlı siyasi şərhçi Sədrəddin Soltan Kamran Mahmudovun təqdimatında yayımlanan “Çətin sual” verilişində danışır.  

Youtube səhifəsinin ünvanı:

https://www.youtube.com/c/TuranAgentliyi

Facebook səhifəsinin ünvanı:

https://www.facebook.com/turanagency