Korrupsiya indeksi, rüşvət qalmaqalı, siyasi məhbuslar, mediada başlayan kampaniyalar... – Rüfət Səfərov saat 16:00-da Çətin sualda

Beynəlxalq Transparency International təşkilatı 2023-cü ildə korrupsiyanın səviyyəsinə görə ölkələrin indeksini açıqlayıb. Bu reytinq ekspert və sahibkarların rəylərinə əsaslanaraq dövlət sektorunda korrupsiyanın səviyyəsini qiymətləndirir.Bu siyahıda Azərbaycan 180 ölkə arasında 154-cü yeri tutub.

Almaniyanın Münhen Prokurorluğu keçmiş deputatlar – Aksel Fişerə və Eduard Lintnerə qarşı ittiham irəli sürüb. Onların Azərbaycan hökumətindən rüşvət aldıqları bildirilir. Söhbət milyonlarla dollardan gedir. Xəbəri “Spiegel” yayıb.

Azərbaycanda siyasi məhbus ailələrindən hakimlərin rüşvət aldığı bildirilir. Bu haqda məlumatı facebook səhifəsində hüquq müdafiəçisi Rüfət Səfərov ictimailəşdirib.

Ötən gündən başlayaraq bir çox hakimiyyətyönlü medialarda vətəndaş cəmiyyətinin bir sıra üzvləri barədə ard-arda yazılar dərc olunur.

Bütün bunlar barəsində “Müdafiə xətti” hüquq müdafiə təşkilatının təsisçisi, hüquq müdafiəçisi Rüfət Səfərov Kamran Mahmudovun təqdimatında yayımlanan “Çətin sual” verilişində danışır.