Məhkəmə həmkarlar ittifaqı fəalını 3 il azadlıqdan məhrumetmə cəzasına məhkum edib
Çərşənbə günü Bakı Ağır Cinayətlər Məhkəməsində alternativ "İşçi Masası" Həmkarlar İttifaqları Konfederasiyasının üzvü Elvin Mustafayevin işi üzrə proses başa çatıb. O, qanunsuz narkotik dövriyyəsində ittiham olunub. Məhkəmə onu 3 il azadlıqdan məhrumetmə cəzasına məhkum edib.
Gənc ittihamı təkzib edib və həmkarlar ittifaqı və ictimai fəaliyyəti ilə əlaqələndirib. Müdafiə tərəfi məhkəmədən fəala bəraət verilməsini istəyib. Hökmdən apellyasiya şikayəti veriləcək.
Mustafayev avqustun 4-də saxlanılıb. O, Afiyəddin Məmmədov və Ayxan İsrafilov ilə birlikdə avqust-sentyabr 2023-cü il tarixlərində həbs olunan üçüncü həmkarlar ittifaqı fəalı olub.
Hüquq müdafiəçiləri onların hamısını siyasi məhbus kimi tanıyıb. Onların həbsinin əsl səbəbi kuryer xidməti işçilərinin hüquqlarının müdafiəsinə yönəlmiş fəaliyyətləri olub.
Siyasət
-
Azərbaycanın xarici işlər naziri Ceyhun Bayramov, Türkiyənin Bolu vilayətinin Kartalkaya dağ-xizək kurortunda mehmanxanada baş vermiş faciəvi yanğından sonra, bazar ertəsi Türkiyənin xarici işlər naziri Hakan Fidana başsağlığı verib.
-
Yanvarın 22-də Səbail Rayon Məhkəməsində “dövlətə xəyanətdə” təqsirləndirilən gənc tədqiqatçı Bəhruz Səmədovun ev dustaqlığına buraxılması ilə bağlı vəsatətə baxılıb.
-
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
-
Fevralın 3-də Bakı Ağır Cinayətlər Məhkəməsində ictimai fəal Nicat İbrahimin işi üzrə proses başlayacaq. Bu qərarə çərşənbə günü hazırlıq iclasında hakim Aygün Qurbanova qəbul edib.
Rəy yaz