Porno kompromatlardan kimlər hansı məqsədlə istifadə edirlər? – Aslan İsmayılov “Çətin sual” qarşısında

Bakı/16.08.22/Turan: Sosial mediada Fövqəladə Hallar Nazirliyinin əməkdaşlarının iş otağında intim görüntüləri yayılıb. Nazirliyin iki əməkdaşı iş kabinetlərində yaxın münasibətdə olub. Video görüntünün 2014-cü ilə aid olduğu deyilir.

İntim görüntülərin yayımlanması Azərbaycanda ilk hal deyil ki baş verir. Bu formada videokompromatlar əvvəllər müxalif və müstəqil fikirli insanlara, jurnalistlərə, ictimai-siyasi fəallara və onların ailə üzvlərinə qarşı həyata keçirilib.  Daha sonra bu kompromat savaşına bir neçə iqtidar nümayəndələri də qurban gedib. Ötən ilin aprel ayında sosial şəbəkələrdə hakim Yeni Azərbaycan Partiyasının Xətai rayon təşkilatının sədri, sabiq deputat Hüseynbala Mirələmovun öz iş otağında xanım köməkçisinə qarşı qeyri-etik hərəkətlərinin əks olunduğu videogörüntü yayılıb. Ötən ilin avqustunda prezidentin sabiq köməkçisi Əli Həsənov Tvitter hesabında paylaşım edərək gizli çəkilən fotosu ilə şantaj edildiyini bildirmişdi. Bir ay sonra Yeni Azərbaycan Partiyası Binəqədi Rayon Təşkilatının sədri Ramiz Göyüşovun intim görüntüləri sosial şəbəkələrdə yayılmışdı. Bu dəfə isə iki məmurun iş otağındakı intim görüntüləri müzakirə olunur.

Bu görüntüləri kimlər və hansı məqsədlə yayırlar?

Hüquqşünas Aslan İsmayılov Kamran Mahmudovun təqdimatında yayımlanan “Çətin sual” verilişində bu və digər suallara cavab verir. 

Youtube səhifəsinin ünvanı:

https://www.youtube.com/c/TuranAgentliyi

Facebook səhifəsinin ünvanı:

https://www.facebook.com/turanagency