Qərbin Ermənistanla görüşündən Azərbaycan niyə narazıdır? – Əhməd Əlili Çətin sualda
Aprelin 5-də Brüsseldə Ermənistanın Baş naziri Nikol Paşinyan, Avropa Komissiyasının sədri Ursula fon der Leyen və ABŞ Dövlət katibi Entoni Blinken görüşüblər. Rəsmi Bakı Brüssel görüşünün Ermənistanı silahlandırmaq məqsədi daşıdığını və Azərbaycana qarşı yönəldiyini iddia edir. Bu barədə Azərbaycan Xarici İşlər Nazirliyinin Fransanın Avropa və Xarici Işlər naziri Stefan Sejournenin fikirlərinə cavab bəyanatında bildirilib.
Türkiyənin Xarici İşlər Nazirliyi də görüşün Cənubi Qafqazın “geosiyasi qarşıdurma zonasına” çevrilməsinə gətirib çıxaracağını hesab edib.Rusiya Xarici İşlər Nazirliyi Brüssel görüşünü “regiondankənar qüvvələrin Cənubi Qafqazın işlərinə məsuliyyətsiz və dağıdıcı müdaxiləsi” adlandırıb.
Aprelin 3-də ABŞ Dövlət katibi Entoni Blinken, aprelin 4-də isə Avropa Komissiyasının Prezidenti Ursula fon der Leyenlə Azərbaycan Prezidenti İlham Əliyevin telefon danışığı olub. Hər iki rəsmi sözügedən görüşün əsas mahiyyətini Ermənistanın iqtisadi inkişafı məsələlərinin təşkil edəcəyini bildirmişdi.
Görüşün nəticələri və Azərbaycanın narazılığı haqda siyasi analitik Əhməd Əlili Kamran Mahmudovun təqdimatında yayımlanan “Çətin sual” verilişində danışır.
-
- Dünyada
- 7 Aprel 2024 11:09
Çətin sual
-
Müsavat Partiyasının mayın 4-də keçirilmiş XI qurultayında 10 ildən sonra İsa Qəmbər yenidən partiyanın başqanı seçildi. İsa Qəmbər Kamran Mahmudovun təqdimatında yayımlanan “Çətin sual” verilişində budəfəki başqanlıq dönəmində partiyanın gələcək planları haqda danışır.
-
Ermənistan hökuməti Azərbaycanla Naxçıvan arasında əlaqəni təmin etmək üçün keçid məntəqələrinin yaradılmasına hazır olduğunu bildirir.Bu barədə mayın 7-də Ermənistanın Baş naziri Nikol Paşinyan mətbuat konfransında danışıb.
-
"Qanunvericiliyə əsasən, bu ilin noyabrında parlament seçkiləri olmalıdır, ancaq seçkilərin müddəti önə də çəkilə bilər". Bunu mayın 2-də Mərkəzi Seçki Komissiyasının (MSK) iclasında qurumun sədri Məzahir Pənahov bildirib.
-
Mayın 3-də ABŞ-ın Azərbaycandakı səfiri Mark Libbi bir qrup jurnalistlə görüşüb və onların suallarını cavablayıb. Azərbaycanda jurnalistlərin və vətəndaş fəallarının həbsi ilə bağlı suala cavab verən səfir deyib ki, ABŞ Dövlət Katibi Blinken insan hüquqları və saxlanmalar məsələsilə bağlı Prezident Əliyevə zəng edib. "Ancaq nə baş verdiyini Azərbaycan hakimiyyətindən siz soruşmalısınız", - səfir qeyd edib. Azərbaycanın beynəlxalq öhdəlikləri var və ABŞ bu kimi məsələləri bundan sonra da qaldıracaq, müstəqil KİV-i dəstəkləməyə davam edəcək, o deyib.
Müsavat Partiyasının yeni və köhnə başqanı İsa Qəmbər Çətin sualda
Xəbər lenti
-
- Söz istəyirəm,
- 15:04
- 673
Rəy yaz