QHT Agentliyində yeyinti? Niyə hamı dövlətdən nəsə qoparmağa çalışır? – Zöhrab İsmayıl Çətin sualda

Qeyri-Hökumət Təşkilatlarına Dövlət Dəstəyi Agentliyinin icraçı direktoru Aygün Əliyevanın səs yazısının yayıldığı bildirilir.

Səs yazısını Daxili İşlər Nazirliyi (DİN) yanında İctimai Şuranın üzvü, “Əsgər Ailələrinə Dəstək” İctimai Birliyinin sədri Mətanət Cəfərova “Facebook” səhifəsində paylaşıb.

İcraçı direktor səs yazısında deyir ki, əgər müvafiq qurumlar istəsələr, agentlikdə yarım milyonluq yeyinti tapa bilərlər.

O, səs yazısında: “Nə qədər nəzarət etsən də, çox qəliz, çox çətin məsələdir. Bu gün gəlib, bizi yoxlasalar, ən azı, bir milyon taparlar. Yəni ən azı, istəsələr, taparlar. Maksimal nə qədər yoxlayırsan, yoxla, QHT ömrü boyu oradan pul “qırıb”. Yəni mümkün deyil, onunla yaşayır”, – deyib.

Səs yazısında deyilənlərlə bağlı Aygün Əliyeva açıqlama verməyib.

Yeyinti və korrupsiya halları ilə bağlı Açıq Azərbaycan Təşəbbüsünün  rəhbəri Zöhrab İsmayıl Kamran Mahmudovun təqdimatında yayımlanan “Çətin sual” verilişində danışır.