Saxta COVID pasportlarını kim verir? – doktor Aydın Əliyev “Çətin sual" qarşısında
Bakı/23.08.21/Turan: Prezident Administrasiyasının (PA) İqtisadi məsələlər və innovativ inkişaf siyasəti şöbəsinin müdiri Şahmar Mövsümov avqustun 20-də keçirilən brifinq zamanı bildirib ki, saxta COVİD pasportu alan, vaksin etməyib kağız verən həkimlər var. O bildirib ki, bəzən reanimasiyaya düşən ağır xəstə olur:
“Baxırıq ki, COVİD pasportu var. Həmin insanlarla, onların yaxınları ilə sorğu-sualdan sonra məlum olur ki, həmin pasportlar saxtadır. Həmin şəxslər özləri pul verib, öz həyatlarını təhlükəyə atıblar. Bunlar araşdırılır, tez-tez də ictimailəşdirilir. Bu insanlar barəsində cinayət işləri açılır. Hətta həkimlər və kiçik tibbi personal arasında məsuliyyətə cəlb olunanlar da var. Bu, dövlətin siyasətinə xələl gətirmək, statistikanı pozmaqdır. Bununla mübarizə davam edir”.
Bu açıqlamadan sonra bu gün Baş Prokurorluq və Daxili İşlər Nazirliyi saxta COVİD-19 pasportları verənlərin ifşası ilə bağlın birgə məlumat yayıb. Məlumatda bildirilir:
"Daxil olmuş məlumatlar və aparılan yoxlamalar nəticəsində paytaxt ərazisində yerləşən bir neçə tibb müəssisəsində pul müqabilində bəzi vətəndaşlara dair məlumatların vaksinasiya prosesindən keçmədən “e-TƏBİB” elektron qeydiyyat sisteminə yerləşdirilməsi və bununla da həmin şəxslərin guya vaksin olunmaları ilə bağlı saxta COVİD-19 pasportu ilə təmin edilmələri məlum olub.”
Həyata keçirilən ilk əməliyyat zamanı müəyyən olunub ki, Xəzər rayonu Binə qəsəbəsində yerləşən 29 saylı Birləşmiş Şəhər Xəstəxanasının tibb bacıları, kompüter qeydiyyatçıları və Səbail rayonunda yerləşən 33 saylı Şəhər Poliklinikasının əməkdaşı ilə əlbir olaraq vətəndaşlardan 300 manat məbləğində pul alıb onların xəstəxanaya belə gəlmədən guya vaksinasiyadan keçib peyvənd olunmalarını özündə əks etdirən saxta sənəd təqdim ediblər. Bu şəxslərin eyni üsulla çoxsaylı vətəndaşlardan pul alaraq onları peyvənd olunmadıqları halda “e-TƏBİB” elektron qeydiyyat sistemində vaksin olunmuş şəxslərin siyahısına daxil etdikləri məlum olub. Analoji hal Sabunçu rayonu Maştağa qəsəbəsində yerləşən 7 saylı Birləşmiş Şəhər Xəstəxanası və Yasamal rayonunda yerləşən 3 saylı Şəhər Poliklinikasında da aşkar edilib.
Yeri gəlmişkən, son günlər ölkədə koronavirus infeksiyasına yoluxma və ölüm halları xeyli artıb.
İnsanlar niyə peyvəndləmədən ehtiyyat edərək, rüşvətlə saxta COVİD pasportu əldə etməyə çalışırlar? Saxta COVİD pasportu verənlərin arxasında kim dayanır?
Koronavirusa yoluxmuş xəstələrin müalicəsində birbaşa iştirak etmiş həkim-radioloq Aydın Əliyev Kamran Mahmudovun təqdimatında yayımlanan “Çətin sual” verilişində bu və digər suallara cavab verir.
Çətin sual
-
"Qanunvericiliyə əsasən, bu ilin noyabrında parlament seçkiləri olmalıdır, ancaq seçkilərin müddəti önə də çəkilə bilər". Bunu mayın 2-də Mərkəzi Seçki Komissiyasının (MSK) iclasında qurumun sədri Məzahir Pənahov bildirib.
-
Mayın 3-də ABŞ-ın Azərbaycandakı səfiri Mark Libbi bir qrup jurnalistlə görüşüb və onların suallarını cavablayıb. Azərbaycanda jurnalistlərin və vətəndaş fəallarının həbsi ilə bağlı suala cavab verən səfir deyib ki, ABŞ Dövlət Katibi Blinken insan hüquqları və saxlanmalar məsələsilə bağlı Prezident Əliyevə zəng edib. "Ancaq nə baş verdiyini Azərbaycan hakimiyyətindən siz soruşmalısınız", - səfir qeyd edib. Azərbaycanın beynəlxalq öhdəlikləri var və ABŞ bu kimi məsələləri bundan sonra da qaldıracaq, müstəqil KİV-i dəstəkləməyə davam edəcək, o deyib.
-
2023-cü ilin noyabrından bu yana media və vətəndaş cəmiyyətinə qarşı cinayət işləri çərçivəsində 20-yə yaxın jurnalist və vətəndaş cəmiyyəti fəalı həbs olunub. Onların arasında korrupsiya araşdırmalarıyla tanınan “AbzasMedia” saytının rəhbəri Ülvi Həsənli, baş redaktoru Sevinc Vaqifqızı (Abbasova), jurnalistlər Hafiz Babalı, Elnarə Qasımova, Nərgiz Absalamova, “Toplum TV” internet televiziyasının təsisçisi, media hüququ üzrə ekspert Ələsgər Məmmədli, kanalın video redaktoru Müşfiq Cabbar, “Kanal 13” internet televiziyasının rəhbəri Əziz Orucov və kanalın əməkdaşı Şamo Eminov, “Meclis.info” saytının rəhbəri İmran Əliyev və başqaları var.
-
Azərbaycanda son zamanlar Qərbə qarşı kəskin tənqid ritorikasının azalması müşahidə olunur. Qarşı tərəfdən də müsbət siqnallar gəlir.
Parlament seçkilərinin önə çəkilməsinin əsl səbəb və məqsədləri nə ola bilər? – Mirəli Hüseynov Çətin sualda
Xəbər lenti
-
- Cəmiyyət,
- 15:07
- 263
Rəy yaz