Seçki bitdi. Bundan sonra nə olacaq? – Zərdüşt Əlizadə saat 16:00-da Çətin sualda

7 fevral növbədənkənar Prezident seçkiləri arxada qaldı. Gözlənildiyi kimi bu seçkidə də İlham Əliyev qalib gəldi. Bundan sonra növbəti 7 ildə İlham Əliyev 5-ci dəfə Azərbaycana rəhbərlik edəcək.

Müxalifətin hazırlıqsız olduğunu bilərəkdən, qəflətən, 60 gün öncə növbədənkənar seçki elan edilməsi ilə bütün cəmiyyət bilirdi ki, bu seçkinin də qalibi İlham Əliyev olacaq. Bunun əksini düşünənlər, bu ehtimala şübhə edənlər demək olar ki yox idi.  

Qarabağ probleminin həllindən sonra el arasında böyük nüfuz qazanmış, reytinqi artmış İlham Əliyev niyə qəfil seçkiyə getdi? Seçkinin nəticəsini bilərəkdən belə tələsik seçki keçirmək və yüksək nəticə ilə seçkini başa vurmaqla ölkə başçısı kimə nəyi sübut etməyə çalışırdı və ya nə mesajı verirdi?? Və ən əsası, 21 ildir ölkəyə rəhbərlik etmiş şəxsdən növbəti 7 ildə hansı gözləntilər ola bilər?

Siyasi şərhçi Zərdüşt Əlizadə Kamran Mahmudovun təqdimatında yayımlanan “Çətin sual” verilişində  bu barədə danışır.