Xaricdə oxuyan gənclər niyə Azərbaycana qayıtmaq istəmir?- Bəxtiyar Hacıyev “Çətin sual" qarşısında

Bakı/04.02.22/Turan:  Prezident İlham Əliyev  Gənclər Günü ilə əlaqədar gənclərlə görüşündə deyib ki, hazırda Azərbaycan iqtisadiyyatı dünya iqtisadiyyatının bir parçasıdır, əmək resurslarımız da həmçinin.

“İndi bir çox azərbaycanlılar var ki, xaricdə işləyirlər, yaşayırlar. Mən bunu ancaq alqışlayıram. Nə qədər çox olsa, necə deyərlər, bizim adımızı onlar ucaldırlar. Amma, eyni zamanda, Azərbaycanda və xüsusilə Bakıda açılan yeni böyük müəssisələrdə və xidmət sektorundakı müəssisələrdə menecerlər, top menecerlər xaricilərdir. Bu, belədir. Mən demirəm ki, bu yaxşıdır, ya pisdir. Yenə deyirəm, Azərbaycan çox qonaqpərvər ölkədir, hər kəs üçün burada yer var və bunu alqışlayıram, onlar gəlirlər təcrübəni bölüşürlər. Amma, eyni zamanda, nə üçün xaricilərdir, çünki yerli kadrlar hələ ki, tam uyğun deyillər. Ona görə xaricdə aparıcı ali məktəblərdə təhsil alanlar gəlib burada həmin bu vakansiyalarda işləsinlər və Vətənə burada xeyir gətirsinlər”.- deyə Prezident İlham Əliyev qeyd edib.

Xaricdə oxuyan gənclər niyə Azərbaycana qayıtmaq istəmir? Səbəb nədir?

Harvard universitetinin məzunu, ictimai fəal Bəxtiyar Hacıyev Kamran Mahmudovun təqdimatında yayımlanan “Çətin sual” verilişində bu və digər suallara cavab verir.