Bakı/07.06.18/Turan: Belçikada beş erməni korrupsiya və pulların yuyulması ittihamı ilə həbs olunub, bu ölkənin prokurorluğu məlumat yayıb.
İttiham tennis matçlarının nəticələrinin manipulyasiyası ilə məşğul olan cinayətkar təşkilatın işi üzrə araşdırma çərçivəsində irəli sürülüb.
"Əməliyyat zamanı 250 min avroya yaxın pul, çoxlu dəlil və sənəd götürülüb", qurumun kommünikesində deyilir, İnterfaks məlumat yayıb.
Həbslə bağlı beş order verilib. Bunlar milliyyətcə erməni olan 27-54 yaşlı şəxslərdir. Prokurorluq onların soyadlarını və vətəndaşlığını açıqlamayıb.
Mütəşəkkil cinayətkar qrupun işi üzrə Belçika prokurorluğunun araşdırması çərçivəsində çərşənbə axşamı Şərqi Flandriya və Brüsselin müxtəlif kommunalarında 21 axtarış aparılıb. 13 nəfər dindirmə üçün saxlanılıb. Onlardan 8-i sonradan azad edilib.
Araşdırma zamanı məlum olub ki, yerli KİV-in "Belçika-Ermənistan" adlandırdığı cinayətkar qrup matçların nəticələrinin əvvəlcədən razılaşdırılmasından böyük qazanc əldə edib. -0--
Dünyada
-
Ukrayna prezidenti Vladimir Zelenski bazar günü bildirib ki, Rusiyada saxlanılan ukraynalı hərbi əsirlərin qaytarılması qarşılığında Şimali Koreya əsgərlərini Pxenyana təhvil verməyə hazırdır.
-
ABŞ-ın seçilmiş prezidenti Donald Tramp və Rusiya prezidenti Vladimir Putinin yaxın günlərdə və ya həftələrdə telefon danışığı aparacağı gözlənilir, deyə Trampın yüksək vəzifəli müşaviri bildirib və qeyd edib ki, Rusiya əsgərlərinin Ukrayna ərazisinin hər qarışından çıxarılmasını gözləmək real deyil.
-
ABŞ-ın yeni seçilmiş prezidenti Donald Tramp ilə Rusiya prezidenti Vladimir Putin arasında telefon danışığı yaxın günlərdə və ya həftələrdə baş tuta bilər. Bu barədə Trampın milli təhlükəsizlik üzrə müşavir postuna namizəd göstərdiyi konqresmen Mayk Volts çərşənbə günü ABC News-a açıqlama verib.
-
Avropa İttifaqının Aviasiya Təhlükəsizliyi Agentliyi (EASA) cümə axşamı yeni xəbərdarlıq yayıb. Bu xəbərdarlıqda qeyri-avropalı hava daşıyıcılarına Rusiyanın qərb hissəsinin hava məkanında uçuşlardan çəkinmək tövsiyə olunur, çünki bu ərazidə onun hava hücumundan müdafiə sistemlərinin təsadüfi atəş riski mövcuddur.
Rəy yaz