Ərdoğanın zərərçəkən olduğu iddianamədəki şahidlər saxta imiş.

Türkiyədə “Gezi parkı” aksiyaları ilə bağlı tvt üzərindən xəbərlər yaymaq, insanları qanundan kənara addımlara təşviq etmək  iddiası ilə 29 şəxsə 3 ilə qədər həbs cəzası tələbilə İzmir şəhər məhkəməsində proses başlayıb. Bu xəbəri “haberler.com” saytı yayıb.

29 nəfərlə bağlı polis araşdırılması 2013-cü ilin iyunundan başlayıb və 7 ay davam edib. 

Bir-birini şəxsən tanımayan 29 şəxs barəsində “təşkilat” formatında fəaliyyət göstərmək, “xalqı qanunlara uymamağa təhrik etmək” ittihamı əskini tapır. Prosesin diqqət çəkən tərəfi budur ki, iddianamədə zərərəçəkən kimi ancaq  Türkiyənin baş naziri Ərdoğanın adı keçir. 

“Dostlar, Atatürk liseyində tibbi dəstək həyata keçirilir”, “Saat 19:00-da “Gezi” üçün ”toplaşırıq” ifadələri bu 29 nəfərə cinayət dəlili  sayılıb. 

Bu insanların təhrikilə 33 banka, 75 iş yerinə, 10 evə, 20 polis avtobusuna və 31 avtomobilinə ziyan vurulması iddianamədə yer alsa da, şahid kimi cəlb olunanların adı çəkilən proseslərdə iştirakçı olmadıqları üzə çıxıb.   

İlk məhkəmə porsesinin fevralın 24-də keçirilməsi gözlənilir.

Xatırladaq ki, Ərdoğan hökuməti İstanbulun mərkəzi hissəsində yerləşən “Gezi parkı” və Atatürk Mədəniyyət Mərkəzinin yerində yeni tikintilər başlamaq iddiasında idi, türk xalqı isə buna etiraz olaraq 2013-cü ilin mayından etirazlara başladı.-05D-