Ermənistanın baş naziri Ovik Abramyan cümə axşamı istefa verdiyini bəyan edib. O, bunu yeni hökuməti formalaşdırmaq və cəmiyyəti konsolidasiya etmək üçün prezident Serj Sarqsyana şərait yaratmaq istəyilə izah edib.
“İstefa vermək və hökuməti formalaşdırmaq üçün prezidentə imkan yaratmaq istəyirəm”, - Abramyan bu gün hökumətin iclasında bildirib. O, istefa barədə qərarını dövlətin idarə olunmasına yeni yanaşmaların vacibliyi ilə izah edib, eyni zamanda deyib ki, bundan sonra da fəal siyasətçi kimi qalmaq və hökumətin yeni üzvləri ilə çalışmaq niyyətindədir. “Qərara aldım ki, istefa verim və yeni hökumətin formalaşdırılması üçün prezidentə imkan yaradım”, - Abramyan vurğulayıb. “Hamımızın uğurları barədə düşünmək lazımdır və yeni hökumətə şans vermək lazımdır ki, görülən işlərin əsasında və yeni yanaşmalarla cəmiyyəti konsolidasiya etsin”, - o bildirib.
Abramyan hökumət başçısı postundan getdikdən sonra Respublika Partiyasının seçkiqabağı qərargahına rəhbərlik edə bilər. Partiya 2017-ci ilin parlament seçkilərinə hazırlıqla məşğul olacaq, - Ermənistan KİV bildirir.
Mənbənin məlumatına görə, Ermənistan prezidenti Serj Sarqsyan Yerevanın keçmiş meri Karen Karapeytanı hökumətə yeni rəhbər təyin edə bilər.
XİN rəhbəri Edvard Nalbandyan və bəzi başqa nazirlərin də istefası gözlənilir.-02D-
Dünyada
-
Ukrayna Prezidenti Volodimir Zelenski, ABŞ Prezidenti Co Baydeni Böyük Britaniyanın Storm Shadow raketlərindən Rusiya hədəflərinə qarşı istifadəyə qoyulan məhdudiyyətləri yumşaltmağa razı salmağa çalışır və bununla müharibənin gedişatını dəyişməyi hədəfləyir. Bu müraciət, Zelenskinin “Qələbə Planı” adlandırdığı genişmiqyaslı strategiyasının bir hissəsidir və o, bu planı Vaşinqton və Nyu-Yorkda amerikalı rəsmilərlə keçirdiyi görüşlərdə müzakirə edib, The Telegraph məlumat verir.
-
İsrail Müdafiə Qüvvələri (İMQ) sentyabrın 29-u, bazar günü gecə saatlarında Livandakı Hizbullah mövqelərinə qarşı bir sıra hədəfə yönəlmiş hava hücumları həyata keçirərək daha geniş regional münaqişə qorxularını artırdı. Raket qurğularını və silah anbarlarını hədəfə alan bu hücumlar İsrail-Livan sərhədində həftələrdir davam edən gərginliyin ardınca baş verib.
-
Ukraynada konflikt kəskin şəkildə gərginləşib, bir sıra dağıdıcı hadisələrlə müşayiət olunub. 28 sentyabr 2024-cü il tarixində Rusiyanın hərbi əməliyyatları artıb, nəticədə faciəvi insan itkiləri və kritik infrastrukturda əhəmiyyətli ziyan meydana gəlib.
-
vesty.co.il: Hizbullah qərargahına hücum Netanyahunun ABŞ-a yola düşməsindən əvvəl təsdiqlənmişdi, lakin əməliyyat üçün əlverişli şərait yalnız onun çıxışa hazırlaşdığı zaman yarandı.
Rəy yaz