F.Gülen: Din siyasətə qarışanda ən çox din ziyan çəkir

Hazırda ABŞ-da yaşayan, Türkiyənin məşhur din xadimi Fetullah Gülen rəsmi Ankaranı tənqidə məruz qoyan çıxış edib.

F.Gülen Erdoğan hökumətinin “Gezi parkı” olayları, 17 dekabr “korrupsiya və rüşvət” əməliyyatından sonra davranışı, hüquq-mühafizə orqanlarını nəzarətə almaq cəhdləri, internetə yasaq qoymaq bəyanatları ilə xalqın dəstəyini itirməsinə diqqət çəkib. Bu davranışla həm də ölkənin Avropa Birliyinə daxil olması fürsətinin təhlükəyə məruz qoyulduğu iddia edilib. F.Gülene görə, bu hakimiyyət ölkənin gələcəyini “əsir” götürüb.

F.Gülen vaxtilə Türkiyədə əsgərin nəzarətində olan hər şeyin indi hakim AKP-nin nəzarətinə keçdiyini deyib.

Dini siyasi ideologiya olaraq görmək, din adına siyasi güc qazanmağa çalışmaq islama ziddir. Din siyasətə qarışanda hər ikisi, amma əın çox da din özü ziyan çəkir”, deyə F.Gülen dinin siyasiləşdirilməsinə qarşı çıxıb.

Türkiyədə qarşıdakı yerli seçkilərə toxunan F.Gülen bu seçkilərdə xalqın hər-hansı partiyadan daha çox millət və vətən mənfəətlərini önə çıxaracağına ümidvar olduğunu ifadə edib. -05D-