![İsrail "Avroviziya" mahnısının sözlərini yenidən nəzərdən keçirməyə razılaşıb](https://turan.az/resized/news/2024/GVvpNQHoNaJxeWA1jtIPKVgH1NkefMoMQ55PIvKK-750-500-resize.webp)
İsrail "Avroviziya" mahnısının sözlərini yenidən nəzərdən keçirməyə razılaşıb
Reuters: İsrailin “Kan” milli teleşirkəti bazar günü bildirib ki, müsabiqənin təşkilatçıları oktyabrın 7-də HƏMAS hücumundan bəhs edən sözlərə etiraz etdikdən sonra İsrail Avroviziya mahnı müsabiqəsindəki potensial mahnının sözlərini nəzərdən keçirməyə razılaşıb.
Bu il mayın 7-dən 11-dək İsveçin Malmö şəhərində keçiriləcək “Avroviziya” özünü qeyri-siyasi tədbir kimi təqdim edir və bu qaydanı pozduğu hesab edilən iştirakçıları diskvalifikasiya edə bilər.
“Kan” teleşirkətinə İsraildən bir iştirakçı seçmək tapşırılıb.
İsrailin aparıcı kompozisiyası müğənni Eden Qolanın ifa etdiyi "October Rain" mahnısıdır.
Mahnının mediaya sızan və daha sonra “Kan” teleşirkəti tərəfindən təsdiqlənən mətninə əsasən, orada "Nəfəs almağa hava qalmadı" və "Onların hamısı yaxşı uşaqlar idi, hər biri" kimi sətirlər var ki, orada Həmas yaraqlıları açıq havada keçirilən musiqi festivalında və Qəzza zolağında müharibəyə səbəb olan digər yerlərdə qətllər və adam oğurluğu həyata keçirərkən sığınacaqlarda gizlənən insanlara açıq-aşkar işarə edilir.
“Kan” teleşirkəti bildirib ki, “October Rain” və ikinci yer tutuan finalçı “Dance Forever” mahnılarının müəlliflərindən yaradıcılıq azadlıqlarını qoruyaraq sözlərini yenidən nəzərdən keçirmələrini xahiş edib.
Daha sonra onlar “Avroviziya” komitəsinə göndəriləcək mahnını rəsmən seçəcəklər.
“Avroviziya”nı təşkil edən və daha əvvəl mahnı sözlərini diqqətlə nəzərdən keçirmə prosesində olduğunu bildirən Avropa Yayım Birliyi, “Kan”ın qərarını şərh etməkə bağlı xahişə dərhal cavab verməyib.
İsrail teleşirkəti ölkə prezidenti İsaak Hersoqun xahişi ilə dəyişiklikləri etməyə razılaşdığını bildirib.
“Prezident vurğulayıb ki, xüsusilə bizə nifrət edənlərin İsrail dövlətini sıxışdırmağa və onu hər mərhələdə boykot etməyə çalışdıqları bir vaxtda, İsrail hər bir dünya forumunda, xüsusən də bu il qürurla səslənməli, başını dik tutmalı və bayrağını qaldırmalıdır”, “Kan” teleşirkəti məkumat verib.
-
- Siyasət
- 4 Mart 2024 14:40
Dünyada
-
Olimpiadanın açılışına bir neçə saat qalmış Fransanın dəmir yolu şəbəkəsində diversiya olub. Böyük miqyaslı fasilələr 800 min sərnişinə təsir edir, Londondan Parisə Eurostar qatarlarında səyahət vaxtı artacaq.
-
Trampın Ukraynaya Amerika silahlarını almaq üçün lazım olan qədər pul vermək və onların istifadəsinə qoyulan bütün məhdudiyyətləri aradan qaldırmaq imkanı olacaq, Pompeo xəbərdarlıq edib. Moskva Qərbin bu cür hərəkətlərinə cavab vəd edib.
-
Cümə axşamı Filippin sahillərində sənaye yanacağı daşıyan dəniz tankeri batması bir ekipaj üzvünün ölməsinə və neftin dağılmasına səbəb olub, neft paytaxt Manila yaxınlarında sulara yayıla bilər, bu barədə rəsmi şəxslər məlumat verib.
-
Çinin xarici işlər naziri Van İ çərşənbə günü ukraynalı həmkarı Dmitri Kuleba ilə ilk görüşündə Çinin Ukraynada atəşkəs və sülh danışıqlarının bərpası istiqamətində çalışacağına söz verib.
Rəy yaz