“Biz, İstanbulda gecə klublarından birində törədilən və çoxlu sayda insanın ölümünə və yaralanmasına səbəb olan qanlı terror aktını qəti şəkildə pisləyirik. Bu xain terror aktı nəticəsində həyatını itirmiş şəxslərin ailələrinə və qardaş Türkiyə xalqına dərin hüznlə başsağlığı verir, kədərini bölüşür və yaralananların tezliklə şəfa tapmasını diləyirik. Xain və alçaq terror əməllərini törədənlər heç zaman qardaş Türkiyənin terrorizmə qarşı mübarizədə əzm və qətiyyətini sarsıda bilməzlər. Biz, qardaş Türkiyə ilə həmrəyliyimizi bir daha vurğulayırıq”. Bu barədə Azərbaycan XİN-in bəyanatında bildirilir.
Xarici işlər naziri Elmar Məmmədyarov həmkarı Mevlüt Çavuşoğluna dərin hüznlə başsağlığı məktubu ünvanlayıb.
Hal - hazırkı məlumata görə yaralananlar sırasında iki nəfər Azərbaycan Respublikası vətəndaşı da müəyyən edilib.
Azərbaycan Respublikasının İstanbuldakı Baş Konsulluğu məsələ ilə əlaqədar Türkiyənin müvafiq dövlət orqanları və vətəndaşlarımızla davamlı təmasdadır.-0-
Dünyada
-
Rusiya Prezidenti Vladimir Putin cümə axşamı Rusiyanın Slovakiyanın Ukrayna ilə münaqişəyə son qoymaq üçün sülh danışıqlarına ev sahibliyi etmək təklifinə açıq olduğunu bildirib.
-
Panama prezidenti Xose Raul Mulino cümə axşamı ABŞ-ın yeni seçilmiş prezidenti Donald Trampla Panama kanalına nəzarətlə bağlı danışıqları istisna edib və Çinin kanalın işinə müdaxilə etdiyini inkar edib.
-
Avropa İttifaqı (Aİ), Baltik dənizində baş verən və regional təhlükəsizlik və ekoloji risklərlə bağlı narahatlıq yaradan hadisədən sonra Rusiyanın "kölgə donanması" adlanan şəbəkəsinə qarşı yeni sanksiyalar tətbiq etməyi planlaşdırır. Bu barədə Avropa Komissiyasının bəyanatında və Aİ-nin xarici siyasət rəhbəri Kai Kallasın açıqlamasında deyilir.
-
ABŞ-ın keçmiş prezidenti Donald Trampın dünyanın ən böyük adası olan Qrenlandiyanı almaq təklifi yenidən müzakirə mövzusuna çevrilib. Onun yaxın köməkçiləri və müttəfiqləri bu təklifi onun mümkün ikinci prezidentlik dövrü üçün ciddi bir nəzərdən keçirilən plan kimi təqdim edirlər. Lakin Qrenlandiya və Danimarka rəsmiləri bu fikrə yenidən qarşı çıxaraq, onu öz suverenliklərinə bir təcavüz kimi qiymətləndiriblər.
Rəy yaz