Sentyabrın 16-da Simferoplda Krım Tatarları Məclsinin binasını avtomat silahlılar mühasirəyə alıblar, binada axtarış başlayıb. İçəriyə və içəridən heç kim buraxılmır. Məclis binasında yerləşən, Krım tatarlarına məxsus “Avdet” qəzetinin redaksiyasında da axtarış aparılır. Bu barədə yerli mənbələr məlumat verib.
Səhər Krım Tatarları Məclisinin üzvü Eskender Bariyevin mənzilində axtarış aparılıb. Onun kompüter texnikası müsadirə olunub.
Məclis binasında islam ədəbiyyatı axtarılır və sənədlər müsadirə olunur, bu barədə Krım Tatarları Qurultayının üzvü Kurtseyit Abdullayev bildirib. Onun sözlərinə görə, axtarış Məclisin bazar günü ilhaq edilmiş Krımda keçirilmiş seçkiləri boykot etməyə çağırması ilə əlaqədardır.
“Krım tatarları qorxudulur, çünki Məclis Krım tatarları xalqının yeganə nümayəndələr orqanıdır”, deyə Abdullayev bildirib.
Bazar ertəsi Məclis binasına hücum edilib. Maskalı üç naməlum şəxs qapıları bağlayıblar, bir nəfər fasaddakı Ukrayna bayrağı borusuna çıxıb və onu qırıb.
Bu arada, Məclis rəhbəri Refat Çubarov bildirib ki, işğalçı hakimiyyətin Krımda təyin etdiyi seçkilər təkcə Krım tatarları deyil, digər millətlərin nümayəndələri də boykot ediblər. -02D-
Dünyada
-
Ukrayna prezidenti Vladimir Zelenski bazar günü bildirib ki, Rusiyada saxlanılan ukraynalı hərbi əsirlərin qaytarılması qarşılığında Şimali Koreya əsgərlərini Pxenyana təhvil verməyə hazırdır.
-
ABŞ-ın seçilmiş prezidenti Donald Tramp və Rusiya prezidenti Vladimir Putinin yaxın günlərdə və ya həftələrdə telefon danışığı aparacağı gözlənilir, deyə Trampın yüksək vəzifəli müşaviri bildirib və qeyd edib ki, Rusiya əsgərlərinin Ukrayna ərazisinin hər qarışından çıxarılmasını gözləmək real deyil.
-
ABŞ-ın yeni seçilmiş prezidenti Donald Tramp ilə Rusiya prezidenti Vladimir Putin arasında telefon danışığı yaxın günlərdə və ya həftələrdə baş tuta bilər. Bu barədə Trampın milli təhlükəsizlik üzrə müşavir postuna namizəd göstərdiyi konqresmen Mayk Volts çərşənbə günü ABC News-a açıqlama verib.
-
Avropa İttifaqının Aviasiya Təhlükəsizliyi Agentliyi (EASA) cümə axşamı yeni xəbərdarlıq yayıb. Bu xəbərdarlıqda qeyri-avropalı hava daşıyıcılarına Rusiyanın qərb hissəsinin hava məkanında uçuşlardan çəkinmək tövsiyə olunur, çünki bu ərazidə onun hava hücumundan müdafiə sistemlərinin təsadüfi atəş riski mövcuddur.
Rəy yaz