KTMT ermənilərə kömək etməyəcəyinə zəmanət verib

Bakı/06.03.18/Turan: Dağlıq Qarabağ KTMT-nin üzvü olan bir dövlət deyil və Stepanakertə Təşkilat tərəfindən hərbi dəstək göstərilməyəcək, bu barədə KTMT birləşmiş qərargahının rəisi, general polkovnik Anatoli Sidorov Moskva-Yerevan-Astana-Bişkek-Minsk telekörpüsündə bildirib. Martın 6-da keçirilmiş telekörpünün mövzusu "KTMT-yə üzv dövlətlər üçün əsas hərbi təhlükəsizlik təhdidləri" idi.

Sidorov bildirib ki, KTMT bütün sazişləri konkret olaraq Ermənistanla imzalayıb və müvafiq olaraq, Yerevan qarşısında müəyyən öhdəlikləri var. "Ermənistan vətəndaşları zərurət olduğu halda KTMT-nin onları darda qoymayacağından əmin olmalıdırlar", deyə Sidorov qeyd edib.

İ.Əliyevin Azərbaycanlıların Yerevana qayıtması haqqında ifadələrini xatırladan general qeyd edib ki, Ermənistan və Azərbaycan arasında vəziyyət kifayət qədər gərgindir, amma iki ölkənin "bir-birinin paytaxtını əlindən alacağı dərəcədə" deyil. O xatırladıb ki, vaxtilə iki respublika, onların xalqları böyük sovet ailəsinin üzvləri idilər, sülh və qarşılıqlı hörmət şəraitində yaşayırdılar.

Ermənistan mətbuatında və siyasətçilər arasında Azərbaycan ordusunun ermənilərin yaşayış məntəqələrinə atəş açması zamanı KTMT-nin susması barədə çox danışılır. Sidorov KTMT-nin Təşkilatın üzvü olan hər hansı ölkənin iştirak etdiyi bu və ya digər münaqişəyə müvafiq dəstək xahişi olmadan müdaxilə etmək səlahiyyətinə malik deyil.

Sidorovun bəyanatı ermənilər üçün ağır və sensasiyaya səbəb olan bəyanat oldu, belə ki, 2017-ci ilin oktyabrında o, üstüörtülü şəkildə Qarabağda müharibə yenidən qızışarsa, KTMT-nin kənarda qalmayacağına eyham edərək, onlara ümid vermişdi. "Hamımız Ermənistanın acısından və problemindən, mövcud münaqişədən xəbərdarıq. KTMT qüvvələri, təşkilatın nizamnaməsinə uyğun olaraq, təşkilat üzvlərinin suverenliyinin və ərazi bütövlüyünün müdafiəsi üçün nəzərdə tutulub", deyə o bildirib.

Onun sözlərinə görə, bu barədə qərarı Kollektiv Təhlükəsizlik Şurası bu ölkənin müraciətindən sonra qəbul edir. KTMT üzvlərindən birinə real kömək lazım olarsa, kollektiv qüvvələrin qoşunları kömək göstərməyə hazır olacaq. "Bu məsələdə Ermənistanın heç bir şübhəsi omamalıdır. Təşkilatın 20 minə yaxın yaxşı hazırlanmış hərbi qulluqçusu var, onlar istənilən vaxt və istənilən istiqamətdə reaksiya verməyə hazırdırlar", deyə general Sidorov qeyd etmişdi.

Həmin vaxt Ermənistan mətbuatında Ermənistan SSR Ali Şurasının 1 dekabr 1989-cu il tarixli Dağlıq Qarabağ və Ermənistan Respublikasının bir dövlətdə birləşməsi haqqında qanununu xatırladırdılar və KTMT-nin Qarabağ uğrunda müharibəyə müdaxilə etməli olduğunu qeyd edirdilər. -0-