NATO quru dəhlizləri Avropada müharibə olacağı təqdirdə Amerika qoşunlarını cəbhə xəttinə ötürə bilər

The Telegraph:  NATO Rusiya ilə Avropada yürüstü müharibə baş verəcəyi təqdirdə Amerika qoşunlarını və zirehli texnikalarını cəbhə xəttinə daşımaq üçün bir neçə “quru dəhliz” hazırlayır.

Rəsmilər The Telegraph-a bildiriblər ki, Amerika əsgərləri beş limandan birinə enəcək və Moskvanın mümkün hücumunu dəf etmək üçün əvvəlcədən planlaşdırılan logistika marşrutları üzrə göndəriləcək.

Bu, Şimali Atlantika İttifaqının ali rəhbərliyinin Qərb hökumətlərinin yaxın iyirmi il ərzində Rusiya ilə münaqişəyə hazırlaşmalı olduğu barədə xəbərdarlıqları fonunda baş verir.

NATO liderləri keçən il Litvanın paytaxtı Vilnüsdə keçirilən sammitdə Şimali Atlantika İttifaqını müdafiə etmək üçün 300 000 hərbçinin yüksək hazırlıq vəziyyətində olması barədə razılığa gəldikdən sonra logistik marşrutlar əsas prioritetə ​​çevrilib.

Mövcud planlara görə, Amerika qoşunları Hollandiya limanlarına enəcək və sonra onları Almaniyadan keçərək Polşaya aparacaq qatarlara minəcəklər.

Rusiyanın hücumu baş verəcəyi təqdirdə ABŞ qoşunları Rotterdama enəcək - FRANS LEMMENS/CORBIS DOCUMENTARY RF

Rusiya NATO ölkələrinə hücum edərsə, Amerika qoşunları Rotterdam limanına çatdırılacaq və sonra şərqə göndıriləcəklər.

Lakin pərdə arxasında quru rabitə xətlərinin Moskva qoşunları tərəfindən kəsilməməsi üçün digər limanlara marşrutların genişləndirilməsi üçün də tədbirlər görülür.

NATO-nun Jsec maddi-texniki təminat komandnlığının rəhbəri general-leytenant Aleksandr Sollfrank “The Telegraph”a deyib: “Ukrayna logistika sistemlərinə Rusiyanın uzaqmənzilli raket hücumlarından çox əziyyət çəkir”.

Niderladdan gələn NATO qüvvələri Rusiya bombardmanlarından zərər çəksə və ya Şimali Avropa limanları məhv olarsa, Alyans diqqəti İtaliya, Yunanıstan və Türkiyədəki limanlara yönəltmək niyyətindədir.

İtaliya limanlarından ABŞ qoşunları qurudan Sloveniya və Xorvatiya vasitəsilə Ukrayna ilə həmsərhəd olan Macarıstana köçürülə bilər.

Türkiyə və Yunanıstan limanlarından Bolqarıstan və Rumıniya üzərindən qoşunların alyansın şərq cinahına köçürülməsi ilə bağlı oxşar planlar var.

NATO liderləri Rusiya ilə münaqişə olacağı təqdirdə 300 min hərbçinin hazır vəziyyətə gətirilməsinə razılaşıblar - DANIEL MIHAILESCU/AFP

Qoşunların Balkanlardakı limanlar, eləcə də Norveç, İsveç və Finlandiya vasitəsilə daşınması planları da hazırlanır. Bu dəhlizlərdə milli silahlı qüvvələr yerli qaydalarla məhdudlaşdırılmayacaq və adi məhdudiyyətlər olmadan yük daşımaqda sərbəst olacaqlar. Fransa hökuməti əvvəllər Rusiyanın mümkün hücumuna qarşı yeni müdafiə sxemi çərçivəsində tanklarını Rumıniyada yerləşdirməyə çalışarkən xarici sərhədlərdə bürokratik prosedurlarla bloklandığından şikayət etmişdi.

Son beş il ərzində Jsec Rusiyanın təcavüzü ilə mübarizə aparmaq üçün qoşunların çatdırılması üçün istifadə oluna biləcək müxtəlif marşrutları müəyyən etmək üçün NATO adından yoxlamalar aparıb.

Avropanın şimalında, Niderland, Almaniya və Baltikyanı ölkələrdəki limanlar Rusiyanın raket hücumlarına qarşı xüsusilə həssas hesab olunur.

General-leytenant Sollfrank deyib: "Hər şey - etibarlılıq, ehtiyatlar, eləcə də heyətin ixtisarı lazımi dayanıqlığı təmin etmək üçün hazırlanıb".

Lakin NATO-nun şərq cinahını əhatə etmək üçün lazım olan hava hücumundan müdafiə imkanlarının cəmi 5 faizinə malik olduğu barədə xəbərdarlıqlardan sonra Birləşmiş Müdafiə Kompleksinin komandanı əsas logistik mərkəzlərini qorumaq üçün “yer-hava” imkanlarından narahatdır.

“Rusiyanın Ukraynadakı müharibəsini müşahidə edərkən və qiymətləndirərkən biz Rusiyanın Ukraynanın maddi-texnimi təminar bazalarına hücum etdiyini gördük”, - deyə o bildirib.

“Bu nəticəyə gəlmək lazımdır ki, Əfqanıstan və İraqdan bildiyimiz nəhəng maddi-texniki təminat bazaları artıq mümkün deyil, çünki onlar münaqişənin əvvəlində hücuma məruz qalacaq və məhv ediləcək”.

“O ki qaldı hava hücumundan müdafiəyə... Onun həmişə çatışmazlığı yaşanır. Mən hava hücumundan müdafiə vasitələrinin kifayət qədər olduğu bir vəziyyəti təsəvvür edə bilmirəm. Bu, hərbi prinsipin tətbiqinin yaxşı nümunəsidir: “Hər yerdə güclü olmaq istəyəndə, heç yerdə güclü deyilsən”.