Prezident Tramp özünün idarəçilik ideyasını açıqlayıb – Amerika hər şeydən üstündür.
ABŞ-ın 45-ci prezidenti Donald Tramp Vaşinqtonda inauqurasiya mərasimində and içdikdən sonra öz vəzifəsinə başlayıb.
O, ənənəvi olaraq ABŞ prezidenti kimi öz proqram nitqini söyləyib.
Trampın çıxışının leytmotivi belə olub: “Amerika hər şeydən üstündür”. Turan qeyd edir ki, bu çıxış 2000-ci il mayın 7-də Vladimir Putinin inauqurasiya zamanı çıxışını yada salıb. Belə ki, o, rus filosofu İlinin sözlərilə demişdi ki, Rusiyanın maraqları hər şeydən üstündür.
Putin kimi Tramp da bildirib ki, investisiyalar ilk növbədə dövlətdaxili layihələrə, sənayenin dəstəklənməsinə və öz vətəndaşlarının işlə təmin olunmasına yönədilməldir.
Ancaq məlumdur ki, Trampın ABŞ-dan kənarda çox ölkələrdə biznesi var. Bunların arasında Rusiya, Azərbaycan kimi avtoritar ölkələr var. Tramp prezident seçildikdən sonra xaricdəki biznesini yığışdırmağa başlayıb və köhnə biznes əlaqələrinə və maraqlarına son verdiyinə işarə edib.
Tramp Amerikanın böyüklüyünü qaytarmağı, başqa ölkələrlə dostluq etməyi, ancaq bu zaman öz milli maraqlarını üstün tutmağı vəd edib. Onun nitqində dünyanın taleyinə görə ABŞ-ın məsuliyyəti və dünya liderliyini öz üzərinə götürmək ideyası hiss olunub.
Tramp bildirib ki, hakimiyyət xalqdan ayrı düşüb və o çalışacaq ki, hökumət, hakimiyyətin bütün qolları vətəndaşlara xidmət etsin, xalqın dövlət resurslarından istifadə imkanları olsun.
O, radikal islama qarşı amansız, tam qələbəyə kimi mübarizə aparacağını bildirib. Yeni prezident Amerikanı amerikalıların iş yerlərinə əl uzadan kənar qüvvələrdən qoruyacağını vəd edib.—0--
Dünyada
-
2024-cü il prezident seçkilərinin son həftələrinə girildikcə, keçmiş prezident Barak Obama Demokratların namizədi Kamala Harris-i aktiv şəkildə dəstəkləmək qərarına gəldi. Onun bu qərarı, xüsusilə Respublikaçı namizəd Donald Trump-ın daha aqressiv strategiyası ilə müqayisədə, partiya daxilində Harris-in kampaniyasının effektivliyinə dair artan narahatlıqlar fonunda verildi.
-
İsrailin kəşfiyyat xidməti Mossad, Livanın Hizbullah qrupunun rabitə şəbəkəsini iflic etmək üçün iki ildən artıq müddətdir bir əməliyyat planlaşdırırdı. Bu barədə Amerika, İsrail və Yaxın Şərq mənbələrinə istinadən The Washington Post məlumat yayıb. Hizbullah tərəfindən istifadə edilən minlərlə peyceri hədəfə alan əməliyyat, son illərdə Mossadın həyata keçirdiyi ən mürəkkəb planlardan biri kimi qiymətləndirilir.
-
Səudiyyə Ərəbistanının "Əl-Hədas" telekanalı öz mənbələrinə istinadən bildirib ki, şənbə günü Beyrutda raket zərbəsi nəticəsində İslam İnqilabı Keşikçiləri Korpusunun zabitlərinin və Şeyx Həsən Nəsrullahın varisi Haşim Səfi əd-Dinin məhv edilib.
-
Ukrayna müharibəsi Kiyevə güclü təhlükəsizlik zəmanətləri verilərək və Moskvaya hazırda işğal etdiyi ərazilər üzərində de-fakto, lakin de-yure nəzarəti saxlamaq imkanı yaradılmaqla başa çata bilər. Bu ssenari artıq yalnız Qərb deyil, həm də Ukrayna rəsmiləri tərəfindən tez-tez müzakirə olunur, deyə Financial Times cümə axşamı bildirib.
Rəy yaz