96 QHT Azərbaycan hakimiyyətinin siyasətinin müdafiəsinə qalxıb

Azərbaycan cəmiyyəti üçün anonim olan 96 QHT-dən ibarət qrupun adından AŞPA prezidenti Pedro Aqramunta müraciət göndərilib.

Müraciətin xarakteri göstərir ki, QHT qrupu insan hüquq və azadlıqlarının pozulmasına görə vətəndaş cəmiyyətinin müstəqil nümayəndələri və AŞPA rəhbərliyi tərəfindən ittiham olunan  Azərbaycan hakimiyyətinin müdafiəsinə qalxır.

Məsələn, müraciətdə deyilir ki, Avropada fəaliyyət göstərən bəzi QHT-lər yerli təşkilatlarla birləşərək rəsmi Bakının Avropa institutları ilə münasibətlərinin pisləşməsinə yönələn konkret işlər həyata keçirirlər.

AŞPA-nın yanvar sessiyası ərəfəsində vətəndaş cəmiyyəti nümayəndələrindən ibarət qrupun adından göndərilən müraciət yalan və şantaj xarakteri daşıyır və heç bir fakta söykənmir.

Bu müraciət mütəşəkkil kampaniyanın tərkib hissəsidir. Sonra qeyd olunur ki, guya bu sənədi imzalayanların mətn haqda heç bir təsəvvürü olmayıb. Ancaq onlar AŞPA-ya müraciəti imzalamaqdan imtina edən bir nəfərin adını belə çəkməyiblər.

Sonra “qrup 96” AŞPA prezidentinə Avropa Şurası və Azərbaycan arasında münasibətlərin pozulmasında maraqlı olan qüvvələrə qarşı birləşməyi təklif edir. Müraciət müəlliflərinin bildirdiyinə görə, işğalçılar (erməni –red.) və onları dəstəkləyən qüvvələr ölkənin beynəlxalq qurumlardakı mövqeyini zəiflətmək istəyirlər.

“Biz AŞPA-da Azərbaycan nümayəndə heyətinə qarşı başlamış çirkin kampaniyanı qəti şəkildə pisləyirik. Biz bunu Azərbaycanla Avropa arasındakı münasibətlərə zərbə vurmaq istəyən qüvvələrin məkrli fəaliyyəti hesab edirik”, - müraciətdə deyilir.

Məlum  olduğu kimi, Yanvarın 17-də Azərbaycanın 60-qədər vətəndaş cəmiyyəti, KİV fəalı, hüquqşünas və ictimai xadimləri yanvar sessiyası ərəfəsində AŞPA-ya üzvlərinə açıq kollektiv məktub göndərərək, öz mühitində korrupsiya faktlarına qiymət verməyə çağırıb.

Xüsusən, söhbət Milan prokurorluğu tərəfindən Azərbaycanlı deputatlar Elxan Süleymanov və Müslüm Məmmədovdan 2013-cü ildə Azərbaycanda siyasi məhbuslar haqqında tənqidi qətnamənin qəbuluna mane olmaq üçün səy göstərmək müqabilində ümumilikdə 2.39 mln. avro rüşvət almaqda ittiham olunan keçmiş AŞPA vitse-prezidenti Luka Volontedən gedir.

Məktubda araşdırma yekunlaşana qədər AŞPA-da Azərbaycan nümayəndə heyətinin səs hüququnu dondurmaq, habelə 2013-cü ildə Kristofer Ştrasserin Azərbaycanda siyasi məhbuslar haqqında qətnaməsi üzrə səsvermənin yekunlarını etibarsız hesab etmək çağırışı yer alır.

"AŞPA dərhal Azərbaycanda siyasi məhbuslar üzrə xüsusi məruzəçi mandatını bərpa etməlidir, Avropa Şurası ekspertləri ilə birlikdə insan hüquqlarının pozulması haqqında yeni ətraflı məruzə hazırlamalıdır", deyə müraciətdə qeyd edilir.

Məktub müəllifləri həmçinin korrupsiya tamamilə araşdırılana və İlqar Məmmədov və digər siyasi məhbuslar həbsdən azad edilməsi qədər Azərbaycan nümayəndə heyətinin səs hüququnu bərpa etməməyə çağırıblar.

AŞPA Monitorinq Komitəsinin həmməruzəçiləri Stefan Şennak və Sezar Florin Predo yanvarın 12-14-də Bakıya səfərin yekunları ilə bağlı bəyanatla çıxış edərək problemlərin mövcudluğunu təstiq etmişlər.

“İslahatlar prosesinə təkan vermək və məhkəmə sistemi, azad KİV, insan hüquqları, QHT haqqında qanunvericilik sahələrində hakimiyyətlə dialoqu davam etdirmək çox vacibdir”, - bəyanatda deyilir.

Həmməruzəçilər Azərbaycanda insan hüquqlarına əməl edilməsinin vəziyyəti, Amnesty Innternational-ın tərtib etdiyi vicdan məhbusları siyahısına əsaslanaraq siyasi məhbusların vəziyyətini müzakirə ediblər.

2016-cı ildə bəzi siyasi məhbusların, hüquq müdafiəçilərinin və jurnalistlərin  azad edilməsinə əsaslanaraq ümidvar olduqlarını bildiriblər ki, bu proses 2017-ci ildə də davam edəcək.

“Biz həbsdə qalanların konkret işlərini nəzərdən keçirdik. Bundan əlavə, bizim müzakirələrdə əsas diqqət ümumilikdə məhkəmə sistemində islahatlara yönəldildi. Bu problemin köklü səbəblərini aradan qaldırmaq və məhkəmə sisteminin müstəqilliyini, ona olan inamı artırmaq lazımdır”.

Həmməruzəçilər Azərbaycan hakimiyyətinin məhkəmə sistemində islahatlar məsələsilə bağlı Avropa Şurası ilə sıx əməkdaşlığa hazır olmasını alqışlayıblar.

Hakimiyyət Avropa İnsan Hüquqları Məhkəməsinin qərarlarının tam yerinə yetirilməsinin vacibliyini təsdiqləyib.

Həmməruzəçilər həmçinin hakimiyyətin QHT haqqında qanunvericiliyə dəyişiklik etməyə və onu Avropa standartlarına uyğun reallaşdırmağa hazır olmasını alqışlayıblar.

“Hakimiyyət QHT haqqında qanunvericilikdə islahatlar aparmaq üçün Venesiya komissiyasının təcrübəsindən istifadə etməlidir”, - onlar yazıblar.

Müzakirələr İnternet və sosial şəbəkələrin inkişafına, fikrin ifadə olunması və KİV azadlığına yönəlib. Həmməruzəçilər gənc blogerlərin son həbslərin ilə bağlı faktlardan narahatdır.

Onlar bloger Mehman Hüseynovla amansız rəftardan narahat olduqlarını bildiriblər və şəffaf araşdırma aparılmasına çağırıblar.—0--