Putin Rusiyanı raket hücumlarından qorumaq üçün Ukraynanın “bufer zonasına” çevrilməsini istəyir

The Telegraph:  Vladimir Putin Rusiyanı Qərbin uzaqmənzilli silahlarından qorumaq üçün Ukraynada “bufer zona” yaratmaq istədiyini bildirib.

Rusiya prezidenti deyib ki, “rəqibdə olan xarici istehsal zərbə silahlarından istifadə etməklə əraziyə nüfuz etməsi çətin olsun” deyə işğal olunmuş torpaqlar Ukrayna ərazisinin kifayət qədər dərinliklərinə qədər uzanacaq.

Neft emalı zavodlarına və energetika infrastrukturuna Ukrayna dronlarının son zərbələrindən sonra Moskva müdafiə qabiliyyəti ilə bağlı suallarla üzləşib.

Kiyevyönlü rus bölmələrinin Rusiyanın sərhədyanı Belqorod və Kursk viayətlərinə qurudan hücumlar etməsi Rusiyanın müdafiəsini şübhə altına alıb.

Kremldə yeni altı illik müddətə qalib gəldikdən sonra Putin müharibəyönlü ultramillətçilərin Ukraynada Kiyevin nəzarətində olan ərazilərdə bufer zonalarının yaradılması ilə bağlı tələblərini istisna etməkdən imtina edib.

“İstisna etmirəm ki, bu gün baş verən faciəvi hadisələri nəzərə alaraq, nə vaxtsa, məqsədəuyğun hesab etdiyimiz zaman biz bu gün Kiyev rejiminin nəzarətində olan ərazilərdə müəyyən “sanitariya zonası” yaratmağa məcbur olacağıq”, - deyə o bazar günü gücə saatlarında bildirib.

Lakin o, prezident seçkilərində səslərin 87 faizini qazandıqdan sonra bazar günü seçki qərargahında “sanitariya zona” ilə bağlı planları barədə ətraflı danışmaqdan imtina edib.

Bazar ertəsi günü Qırmızı Meydanda Krımın işğalının 10-cu ildönümünə həsr olunmuş konsertdə Putin Rusiyanın ilhaq etdiyi Ukrayna ərazilərinin “geri qayıtmasını” alqışlayıb.

“Əl-ələ verib irəli gedəcəyik və bu bizi daha da gücləndirəcək... Yaşasın Rusiya!” Putin meydana toplaşanlar müraciət edib.

Putin Ukraynanın rus qoşunları tərəfindən ələ keçirilən ərazilərində yeni dəmir yolu əlaqələri ilə öyünərək deyib ki, bu bölgələr “öz doğma ailələrinə qayıtmaq istəklərini bəyan ediblər”.

O, konsertdə ona qarşı mübarizə aparan üç namizədlə birlikdə iştirak edib, bundan əvvəl isə onlarla Kremldə görüşüb və təbriklərni qəbul edib.

Bazar ertəsi Kreml bəyan edib ki, bufer zonanın yaradılması Ukrayna qoşunlarının Rusiya ərazisinə artan silsilə hücumlarından müdafiənin yeganə yolu ola bilər.

Kremlin mətbuat katibi Dmitri Peskov Putinin bəyanatları ilə bağlı sualları cavablandırarkən deyib: “Dron hücumları və ərazimizin, ictimai obyektlərin, yaşayış binalarının atəşə tutulması fonunda bu ərazilərin təhlükəsizliyini təmin etmək üçün tədbirlər görülməlidir".

“Onları yalnız bir növ bufer zonası yaratmaqla qorumaq olar ki, düşmənin bizə hücum etmək üçün istifadə etdiyi hər hansı vasitə əlçatmaz olsun”, o əlavə edib.

Moskvayönlü şərhçilər daha əvvəl Kiyevin artilleriya sistemlərini Rusiya sərhədindən uzaqlaşdırmaq üçün Ukraynanın nəzarətində olan ərazilərə ən azı 15 kilometr genişmiqyaslı irəliləyiş tələb ediblər.

Təxminən 150 mil məsafədəki hədəfləri vura bilən Britaniya və Fransa istehsalı "Storm Shadow" və "Scalp" havadan buraxılan qanadlı raketlər Ukraynanın adi arsenalında ən uzun mənzilli silahlardır.

Rusiya qoşunları Qərbin Ukraynaya dəstəyinin azalması nəticəsində yaranan sursat çatışmazlığından faydalansa da, bu ilin əvvəlində Donetsk vilayətinin Avdiivka şəhərini ələ keçirdikdən sonra böyük əraziləri ələ keçirə bilməyiblər.

Bu arada Qərb liderləri Putinə beşinci prezidentlik müddətini verən və onun Rusiyada təxminən dörddə bir əsrlik hakimiyyətini 2030-cu ilə qədər uzatan prezident seçkilərini pisləyiblər.

Lakin Moskvanın Çin, İran, Şimali Koreya və Venesueladakı müttəfiqləri, eləcə də daha mötədil Hindistan Putinin yenidən prezident seçilməsi xəbərini alqışlayıb.