Rusiya iki İran peyki də daxil olmaqla onlarla peyklə birlikdə “Soyuz” raketini kosmosa buraxıb

Reuters: Rusiya çərşənbə axşamı səhər tezdən Yer kürəsinin kosmik havanı monitorinq etmək üçün nəzərdə tutulmuş iki peyk və iki İran peyki də daxil olmaqla 53 kiçik peyklə "Soyuz" raketini kosmosa göndərib. Bu barədə Rusiyanın “Roskosmos” Kosmik Agentliyi məlumat yayıb.

Agentlik xəbər verir ki, Rusiyanın "Vostochnı" kosmodromundan buraxılan "Soyuz-2.1A" kosmik gəmisi Yerin ionosferinin monitorinqi üçün kosmik sistemin bir hissəsi olacaq iki “İonosfer-M” peykini çatdırıb.

NASA-nın saytında verilən məlumata görə, Yer atmosferinin kosmosla qovuşduğu ionosfer Yer səthindən təxminən 50-400 mil (80-644 km) hündürlükdə uzanır.

“İnterfaks” xəbər agentliyinin verdiyi məlumata görə, hər bir “İonosfer-M” peykinin çəkisi 430 kiloqram (948 funt) və işçi orbiti 820 kilometr (510 mil) yüksəklikdədir.

Ümumilikdə sistemə dörd “İonosfer-M” peyki daxil olacaq. “Roskosmos” xəbər verir ki, növbəti iki cihazın 2025-ci ildə buraxılması planlaşdırılır.

53 kiçik peykə İranın iki yüksək ayırdetmə qabiliyyətinə malik təsvir peyki “Kovsar” və kiçik rabitə peyki olan “Hodhod”, həmçinin ilk Rusiya-Çin tələbə peyki olan “ATURK Dostluq” peyki daxildir.

Fevral ayında Rusiya İranın orbitdən topoqrafiyasını skan edəcək İran tədqiqat peykini kosmosa göndərib, - deyə İran dövlət mediası o zaman bildirib.