Rusiya konkret ittiham olmadan Estoniyanın Baş naziri Kaia Kallası axtarışa verib

Ukrayna ilə bağlı Rusiya ilə Qərb arasında gərginliyin artması fonunda Rusiya Estoniyanın Baş naziri Kaja Kallası axtarışa verib.

Kallasın adı Daxili İşlər Nazirliyi tərəfindən cinayət işi ilə əlaqədar axtarışda olan şəxslərin reyestrində yer alıb. Kallasın hansı ittihamlarla üzləşdiyi açıqlanmayıb.

Nazirlik ilk dəfədir ki, başqa dövlətin liderini axtarışa verib.

Kallas Ukraynanın güclü tərəfdarı olub, Kiyevə hərbi yardımı artırmaq və Rusiyaya qarşı sanksiyaları sərtləşdirmək səylərinə rəhbərlik edib.

O, həmçinin Sovet İkinci Dünya Müharibəsi əsgərlərinin abidələrinin götürülməsində israrla Moskvanı qəzəbləndirib. Rusiyada “nasistlərin reabilitasiyası”nı cinayət hesab edən qanunlar, o cümlədən müharibə abidələrinin təhqir olunması üçün cəza nəzərdə tutan müddəalar var.

Qeyd edək ki, Estoniyanın dövlət katibi Taimar Peterkop da axtarışa verilib.

Bu addımlar Ukraynada döyüşlərin iki ili tamamladığı bir vaxtda NATO müttəfiqlərinin təzyiqi ilə üzləşən Moskvanın dərəcəni yüksəltmək cəhdini əks etdirir, praktiki baxımdan çox az əhəmiyyət kəsb edir, çünki münaqişə zamanı Rusiya-Qərb təmasları dondurulub.

Estoniya hakimiyyətindən bu addıma dərhal reaksiya verilməyib.