Moskva/05.12.17/Turan: Telman İsmayılova qarşı qiyabi olaraq qətl ittihamı irəli sürülüb. Bu barədə RF İstintaq Komitəsi məlumat yayıb.
İstintaq Çerkizov bazarının keçmiş sahibini 2016-cı ildə iki sahibkarın qətlinin təşkilatçısı hesab edir. Bu barədə TASS-a İstintaq Komitəsinin rəsmi nümayəndəsi Svetlana Petrenko bildirib.
"Xüsusilə mühüm işlərin araşdırılması üzrə Baş İdarə Telman İsmayılovun qətl törətməkdə və qanunsuz silah dövriyyəsində ittiham olunan şəxs kimi məsuliyyətə cəlb edilməsi barədə qərar çıxarıb.
İstintaqın məlumatına görə, T.İsmayılov ötən il sahibkarlar Vladimir Savkin və Yuri Brılevin qətlinin təşkilatçısıdır", - S.Petrenko bildirib.
İstintaqın versiyasına görə, müttəhim öz qardaşları Rafiq və Vaqif İsmayılovlar ilə birlikdə qətl planı hazırlayıb. İcraçı Mehman Kərimovdur.
2016-cı il mayın 15-də Moskvanın Novorijsk şossesində M.Kərimov avtomobildə olan iki sahibkarı güllələyib. Qardaşların razılaşmasına görə, R.İsmayılov M.Kərimovu hadisə yerindən aparıb. Sonra onun gizlənməsinə və cinayəti törətdiyi silahın gizlətməsinə yardım ediblər.
R.İsmayılov və M.Kərimov həbs olunublar. T.İsmayılov və V.İsmayılovun barəsində qiyabi həsb qətimkan tədbiri seçilib.
Həmçinin idarədən bildiriblər ki, T.İsmayılovun İnterpol xətti ilə axtarışa verilməsi üzrə materiallar Baş Prokurorluğa göndərilib.
Qeyri-rəsmi məlumatlara görə, T.İsmayılov Fransada, bəzi məlumatlara görə, Türkiyədə gizlənir.-02D-
Dünyada
-
Yeni Gallup sorğusu göstərir ki, iki ildən çox davam edən Rusiya-Ukrayna müharibəsinin tezliklə həllini istəyən amerikalıların sayı artmaqdadır. Respondentlərin yarısı münaqişənin tez bir zamanda bitməsini dəstəklədiyini bildirib, hətta bu, Ukraynanın bütün itirilmiş ərazilərini geri qaytarmayacağı anlamına gəlsə belə. Bu rəqəm 2024-cü ilin martı ilə müqayisədə 7 faiz artım deməkdir. Oktyabr 2023-dən bəri tez həllə dəstək 43 faiz səviyyəsində sabit qalmışdı.
-
ABŞ-ın yüksək rütbəli diplomatları cümə günü Dəməşqdə Suriyanın yeni faktiki lideri Əhməd əl-Şaraa ilə görüş keçirdi. Görüş ölkənin siyasi keçidi müzakirə etmək məqsədilə təşkil olunmuş və "yaxşı" və "çox məhsuldar" kimi qiymətləndirilmişdir. ABŞ nümayəndə heyəti, həmçinin, əl-Şaraa-nın başına qoyulmuş 10 milyon dollarlıq mükafatın ləğv edildiyini elan edib.
-
İran qadınlar üçün daha sərt hicab tələbləri ilə bağlı mübahisəli yeni qanunun tətbiqini dayandırıb. Bir çox müşahidəçilərin fikrincə, bu qanun Mahsa Əmininin 2022-ci ildə ölümündən sonra baş verən kütləvi etirazlara bənzər hadisələri təkrarlaya bilərdi, yüksək rütbəli rəsmi bildirib.
-
İsrail hava zərbələri, Husilərin idarə etdiyi Sanaa və Hudeydə daxil olmaqla, Yəmənin bəzi ərazilərini hədəf alıb və Mərkəzi İsraili nişan alan Husi raketi zərərsizləşdirildikdən sonra ən azı doqquz nəfərin ölümünə səbəb olub. Enerji və liman infrastrukturunu hədəfləyən bu zərbələr, regional gərginliyin ciddi şəkildə artmasına işarə edir.
Rəy yaz