Ukraine's President Volodymyr Zelenskiy visits Berlin

Ukraine's President Volodymyr Zelenskiy visits Berlin

Reuters:  Ukrayna prezidenti Vladimir Zelenski çərşənbə axşamı Kiyevin Rusiya ilə 25 aylıq müharibəsini həll etmək üçün Pekində göstərdiyi diplomatik səylərə görə Almaniya kansleri Olaf Şoltsa təşəkkür edib və Çinin sülhün təmin edilməsində rol oynaya biləcəyini deyib.

Ukrayna iyunda İsveçrədə keçiriləcək sülh sammitinə Rusiya ilə yaxın əlaqələri olan Çindən dəstək qazanmaq üçün əhəmiyyətli səylər göstərib. Rusiya görüşə dəvət edilməyib və Moskvanın iştirakı olmadan bu cür görüşləri mənasız hesab edərək rədd edib.

Şolts çərşənbə axşamı Çin prezidenti Si Cinpin ilə üç saatdan çox vaxt keçirib və ondan "Rusiyaya təzyiq göstərməyi xahiş etdi ki, prezident Vladimir Putin, nəhayət, öz çılğın kampaniyasını dayandırsın, qoşunlarını geri çəksin və bu dəhşətli müharibəyə son qoysun".

Lakin Si Cinpin, görünür, İsveçrədəki görüşdən imtina eidb və deyib ki, sülh nizamlanması səyləri hər iki tərəf tərəfindən tanınmalı və bütün tərəflərin bərabər iştirakını ehtiva etməlidir.

Zelenski axşam videomüraciətində “Almaniya kansleri Olafa liderliyinə və müvafiq beynəlxalq ünsiyyətə görə xüsusi təşəkkür etmək istərdim” deyib.

"Pekindən eşitdiyimiz siqnallara görə. Çin həqiqətən Ukraynada ədalətli sülhün və beynəlxalq münasibətlərdə sabitliyin bərpasına kömək edə bilər".

Zelenski deyib ki, İsveçrədəki görüş “hamımıza BMT Nizamnaməsinin, onun məqsəd və prinsiplərinin həqiqətən qüvvəyə minməsini təmin etmək üçün real şans verir”.

İsveçrədə keçirilən görüşə hazırlıq iclaslarının ən azı birində Çin nümayəndələri iştirak ediblər.

Çinin yüksək vəzifəli rəsmisi, Avrasiya məsələləri üzrə xüsusi elçisi Li Hui həm Moskvada, həm də Kiyevdə yüksək vəzifəli rəsmilərlə görüşüb. Lakin o, Moskvada olarkən deyib ki, Moskvanın iştirakı olmadan Ukrayna nizamlanmasının müzakirəsi mümkün deyil.

Rəy yaz

Dünyada

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti