Xersonda isə atəş nəticəsində bir neçə nəfər yaralanıb

DW: Çərşənbə axşamı, dekabrın 19-u axşam Xerson rus hərbçilərinin atəşinə məruz qalıb, Bu barədə şəhər hərbi administrasiyasının rəhbəri Roman Mroçko bildirib. O əlavə edib ki, 4-ü şaq olmaqla 9 nəfər yaralanıb. Mroçko qeyd edib ki, beş zərərçəkənə yerində tibbi yardım göstərilib, onlar xəstəxanaya yerləşdirilməkdən imtina ediblər.

Elə həmin gün axşam Kiyev pilotsuz uçuş aparatlarından istifadə edilməklə növbəti dəfə hava hücumuna məruz qalıb. Bunu Kiyev şəhər hərbi administrasiyasının rəhbəri Sergey Popko bildirib.

İlkin məlumata görə, “Şahed” tipli pilotsuz təyyarələr paytaxta cənubdan, Qara dənizdən uçub.

Popko vurğulayıb ki, bütün pilotsuz təyyarələr şəhərə yaxınlaşarkən hava hücumundan müdafiə qüvvələri tərəfindən vurulub. Onun sözlərinə görə, tələfat və dağıntı olmayıb. Paytaxt hakimiyyətinin nümayəndəsi Ukrayna Silahlı Qüvvələrinin Hərbi Hava Qüvvələrindən hesabat tələb edərək Kiyevə hücum edən PUA-ların dəqiq sayını açıqlamayıb.

Dekabrın 20-nə keçən gecə Xarkov hakimiyyəti də atəşə tutulması barədə məlumat verib. Mer İqor Terekovun sözlərinə görə, şəhərin “ən çox zərər çəkmiş ərazilərindən birində” yaşayış binaları və mülki obyektlərin yaxınlığında azı iki zərbə qeydə alınıb. Bələdiyyə sədri hansı rayondan danışdığını göstərməyib. Səlahiyyətlilər yaralılar və mümkün dağıntılarla bağlı məlumatları dəqiqləşdirir.