1-ci rübdə Neft Fondunun aktivləri $2 mlrd. 173,6 mln. azalıb

 2015-ci il aprelin 1-nə olan məlumata görə, Azərbaycan Dövlət Neft Fondunun (ADNF) aktivləri 2015-ci ilin əvvəli ilə müqayisədə 5,86% azalaraq ($37 104,1 mln.) $34 930,5 mln. təşkil edib.

1-ci rübdə ARDNF-in gəlirləri 2,028 mlrd. manat, gəlirləri 2 mlrd. 335,6 manat təşkil edib.

Hesabat dövründə neft-qaz müqavilələrinin reallaşmasından gəlirlər 1 938,9 mln. manat, o cümlədən mənfəət neft və qazının satışından gəlirlər 1 936,3 mln. manat, tranzit əməliyyatlardan gəlirlər 2,6 mln. manat təşkil edib. Fondun öz vəsaitlərinin idarə olunmasından daxil olan gəlirlər 89,1 mln. manat təşkil edib.

1-ci rübdə Neft Fondunun büdcədənkənar gəlirləri məzənnə fərqi ilə 7 488,7 milyon manat təşkil edib.

ARDNF-in xərclər strukturunda dövlət büdcəsinə transfertlər 1 941,7 mln. manat təşkil edib. Qaçqınıarn və məcburi köçkünlərin sosial-məişət durumunun yaxşılaşdırılması üçün xərclər

47,9 mln. manat, Samur-Abşeron suvarma sisteminin yenidən qurulması layihəsinin maliyyələşdirilməsi üçün xərclər 25,1 mln. manat təşkil edib.

  Azərbaycanlı gənclərin xaricdə təhsil alması üçün 2,7 mln. manat xərclənib. Həmçinin 3,9 mln. manat Bakı-Tbilisi-Qars dəmir yolunun inşası layihəsinin maliyyələşdirilməsinə yönəlib. “Cənub” qaz dəhlizi SC-də dövlətin iştirak payının maliyyələşdirilməsi xərcləri yanvar-mart aylarında 307,4 mln. təşkil edib.

1-ci rübün yekunlarına görə, fondun idarə  olunması üzrə xərclər 6,9 mln. manat təşkil edib.

Qeyd edək ki, əgər hökumət bu il fevralın ortalarında milli valyutanı 34% devalvasiya etməsəydi Neft Fondunun gəlirləri daha çox olardı.—12D--