![Azərbaycan beynəlxalq kreditlərin 60%-i dövlət zəmanəti ilə alıb](https://turan.az/resized/750/500/resize/media/2015/main/050400114910.jpg)
Azərbaycan beynəlxalq kreditlərin 60%-i dövlət zəmanəti ilə alıb
İlin əvvəli üçün imzalanan dövlət zəmanəti ilə alınacaq kredit sazişlərinin həcmi $10 mlrd 211,3 mln olub. Bunun 65,9%-i və ya $6 mlrd 676,2 mln artıq alınıb.
Asiya İnkişaf Bankının (AİB) Rəhbərlər Şurasının 48-ci İllik Toplantısı öncəsi hökumətin hesabatında bildirilir ki, ötən il bu vəsaitlərin $2 mlrd 144,9 mln-u xərclənib, əsas borc kimi kredit verənlərə $1 mlrd 146,6 mln qaytarılsın.
Xarici dövlət borcunun qalıq məbləği 1 yanvar $6 mlrd 478,2 mln, 1 nəfərə $675,3 olub. Zəmanətli xarici dövlət borcunun 7,3%-i 10, 60,2%-i, 10-20, 32,5%-i daha çox müddətə cəlb edilib. Borcların 63,9%-i dəyişən faiz dərəcəsi ilə cəlb edilib.
Maliyyə naziri Samir Şərifov yerli KİV-ə deyib ki, hökumət hələ xarici borc almağı düşünmür. «Keçən il bizim dövlətimiz ilk dəfə olaraq beynəlxalq bazarlarda xarici valyutada ifadə olunmuş öz dövlət istiqrazlarını yerləşdirib. Əvvəllər isə Azərbaycan bütün borclanmaları konkret layihələrlə bağlı olub. Yəni, bunlar konkret olaraq fiziki və sosial infrastrukturun maliyyələşdirilməsi ilə bağlı olub», - deyə o bildirib.
Hesabatdan görünür ki, borcun 64,8%-i ABŞ dolları, 21,4%-i avro, 9,9%-i BVF-nin xüsusi borc hüququ ilə, 2,1%-i yapon yeni ilədir. Valyuta strukturunda Səudiyyə dinarı – 0,7%, Küveyt dinarı - 0,2% və BƏƏ dirhəmi var – 0,5%.
Xarici borcun 59,5%-i infrastruktur layihələri üzrədir. İstifadə edilən kreditlərin $2 mlrd 341,6 mln-ı güzəştli əsasla verilib.
Sənəddən göründüyü kimi, vəsaitlərin çoxu qeyri-neft sektoru üçün ayrılıb. Amma real sektor hələ inkişaf etmir. Bu isə ərzaq və qeyri-ərzaq məhsullarının çeşidndə özünü göstərir. Manatın devalvasiyası idxal mallarının bahalanması üçün şərait yaratdı.
Beynəlxalq təşkilatlar 2006-cı ildən hökumətə təklif edir ki, iqtisadiyyatı şaxələndirsin, amma hökumət neftin bahalanması, qaz ixracının artan həcminə bel bağlayır. -17D—
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz