$1 milyardlıq modernləşdirilmədən sonra NEZ Avro-5 standartı üzrə yanacaq istehsal edəcək
H.Əliyev adına Bakı NEZ-in modernləşdirilməsi layihəsinin ümumi dəyəri $1 mlrd. təşkil edir. Bunu SOCAR-ın strateji inkişaf üzrə vitse-prezidenti Tofiq Qəhrəmanov Caspian European Club-da keçirilən biznes-forumdakı çıxışında bildirib.
“BNEZ-in modernləşdirilməsi layihəsinin ümumi dəyəri təxminən $1 mlrd. təşkil edir. Məqsədimiz 2018-ci ilin iyulunda yeni bitum qurğusunu işə salmaqdır. Bu qurğu 2019-cu ildə Avro-5 standartı üzrə dizel yanacağı, 2020-ci ildə isə Avro-5 standartı üzrə benzin buraxılışına imkan verəcək”,- T.Qəhrəmanov bildirib.
Xəbər verildiyi kimi, BNEZ-in yenidən qurulması və modernləşdirilməsi ilkin neft emalı qurğusunun gücünün ildə 6 mln. tondan 7,5 mln. tonadək, katalitik krekinq qurğusunun gücünün isə ildə 2 tondan 2,5 mln. tonadək artırılmasını əhatə edir.
Layihənin reallaşması nəticəsində avtomobil benzini istehsalının illik həcmi 1,3 mln. tondan 2,2 mln. tonadək, dizel yanacağı 2,3 mln. tondan 2,9 mln. tonadək, aviakerosin 700 min tondan 1 mln. tonadək artacaq.
Modernləşdirilmədən sonra BNEZ-də buraxılacaq neft məhsulları istehsalı strukturunda dizel yanacağının payına 37% düşəcək. Avtomobil benzini 25%, kerosin 13%, digər neft məhsulları 25% təşkil edəcək.–12D--
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz