14 ildə sement 2,7 dəfə bahalanıb

2013-cü ildə Azərbaycanda 50 kq-lıq sement kisəsi 6,94 manat olub. Bu, 2000-ci ildəkindən (2,51 manat) 2,76 dəfə çoxdur. Ötən il sement 3,9% bahalanıb.

Dövlətstatkom 2013-cü ildə tikinti fəaliyyəti ilə bağlı hesabatı açıqlayıb. Hesabatda 2000-2013-cü illərdə əsas tikinti materiallarının qiymətləri göstərilib Sənədə əsasən, bu illərdə tikinti materialları yalnız bahalanıb. Tikinti materiallarının tədarükünün kritik dövrləri də olub və qiymətlər «rekord» vurub . İstənilən halda, tikinti materiallarının qiymətinin bahalanmasının əsaslı tikintiyə investisiyaların artmasında rolu 2 dəfədən az deyil.

2008-ci ildə istehsal 1 575 min ton, 50 kq-lıq sement kisəsi 9,59 manat olub. Hökumətin müdaxiləsindən sonra 2009-cu ildə qiymət 8,38 manata düşüb.

2000-ci ildə 10 ədəd tiknti kərpicinin pərakəndə qiymət 0,73 manat, ötən il 2,80 manat – 3,8 dəfə baha olub.  

Ölkədə pəncərə şüşəsinə tələbat idxal hesabına ödənilir. 2000-ci ildə 1 m² şüşə 6,46 manat, 2013-cü ildə 11,34 manat olub. Ötən il şüşə 3,3% bahalanıb.

 Ötən müddətdə ağac materialları 2000-ci ildə daha ucuz olub. O vaxt 1 kubmetri 114,5 manata idi. Bu illərdə bu material yalnız bahalanıb və ötən il kubmetri 226,36 manat təşkil edib.

Saxsı plitələr iki dəfə bahalanıb və 2013-cü ildə  1 kvadrat metri 9,94 manat olub. Dövlətstatkoma görə, 2013-cü ildə Azərbaycanda 2 mln 296,1 ton sement istehsal edilib. Bu, 2012-ci ildəkindən 16,8% çoxdur. 08D