Nazirlər Kabineti sosial-iqtisadi siyasəti və sosial-əmək münasibətləri üzrə 2014-2015-ci illər üçün razılaşdırılmış mövqelərini və birgə fəaliyyətlərini müəyyən edən üçtərəfli Baş Kollektiv Saziş imzalayıb. Həmkarlar İttifaqları Konfederasiyası və Sahibkarlar Təşkilatları Milli Konfederasiyası rəhbərlərinin də imzaladığı sənəd 6 mart 2012-ci ildə imzalanan ikillik sənəddən xüsusi fərqlənmir.
Dörd ay gecikən Baş Kollektiv Saziş 2015-ci ilin sonuna kimi əmək haqqının ödənməsi, əhalinin həyat səviyyəsi və gəlirləri, əmək bazarının inkişafı, məşğulluğun təmin edilməsi, sosial müdafiə və əmək hüquqlarının qorunması üzrə hökumətin iqtisadi siyasəti sahəsində tərəflərin öhdəliklərini nəzərdə tutur.
Sazişin maddələrinin çoxu köhnə sənəddə var. Məsələn, tərəflər öhdəlik götürüb ki, mal və xidmət tarifləri üzrə qərar qəbul ediləndə məsləhətləşəcəklər. Amma ötən ilin sonunda hökumət yanacağın qiymətini artırdı. Həmkarlar İttifaqları Konfederasiyası və Sahibkarlar Təşkilatları Milli Konfederasiyası bu xəbəri KİV-dən öyrəndi. Formal olaraq, sazişin tələblərinin icrası üçün müntəzəm danışıqlar nəzərdə tutulub. Amma tərəflər bu görüşlər barədə bir dəfə də məlumat verməyib.
Əvvəllər götürülən öhdəliklərin niyə yerinə yetirilməməsi barədə sənəddə heç nə deyilmir. İki il əvvəl olduğu kimi, Beynəlxalq Əmək Təşkilatı ilə əməkdaşlıq çərçivəsində Layiqli Əmək Üzrə Ölkə Proqramını imzalamaq və onun icrasını təmin etmək, Beynəlxalq Əmək Təşkilatının 131 nömrəli Konvensiyasında verilən tərifə uyğunlaşdırılmaq, bu göstəricinin inflyasiya nəzərə alınmaqla indeksləşdirilməsi niyyəti bəyan edilir.
Məlumata əsasən, Azərbaycanın ÜDM-i 2014-2015-ci illərdə 4,3% və 6,5 %, sənaye 2,2 və 2,9% artacaq. Əhalinin pul gəlirləri 6,8% və 6,6% çoxalacaq.
Azərbaycan MDB və Avropanın çox az ölkələrindəndir ki, Baş Kollektiv Saziş əsasında sahə (tarif) sazişləri bağlanmır. Həmkarlar İttifaqları və Sahibkarlar Konfederasiyası hökumətə loyaldır və cəmiyyətdə nüfuzları yoxdur. Həmkarlar İttifaqları Konfederasiyası əmək hüquqlarının pis qorunması, Sahibkarlar Konfederasiyası isə inhisarçılıq, vicdansız rəqabət, Rəqabət Məcəlləsinin qəbulunun gecikməsi barədə barədə bir dəfə də danışmayıb. 08D
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz