Dekabrın 1-i üçün Azərbaycan iqtisadiyyatında işəgötürənlərlə müqavilə əsasında 1 mln 507,5 min məşğul adam var. Illik hesablamada, yəni son 12 ayda muzdlu işçilərin sayı cəmi 1600 nəfər artıb.
Hökumət 2014-cü ildə 100 min yeni iş yerlərinin açıldığını, yüzlərlə sənaye və digər müəssisələrin yaradıldığını deyir. Ancaq həmin statistik məlumatlar təsdiq edir ki, söhbət yalnız fiziki şəxslərin əsasən ticarət və xidmət sahəsində yaratdığı müvəqqəti iş yerlərindən gedir.
Maraqlıdır ki, son 12 ay ərzində dövlət sektorunda çalışan işçilərin sayı 18,1 min nəfər, yaxud 2% azalıb.
2014-cü ilin dekabrın 1-ə olan vəziyyətə görə, qeyri-dövlət sektorunda 624 min adam işləyib. Bu, bir il əvvəlkindən 3% (19,9 min nəfər) çoxdur.
Qeyd edək ki, hökumət 2003-cü ilin oktyabr ayından həyata keçirilən iqtisadi siyasət nəticəsində ölkədə 1,3 mln yaxud hər il 100 min olmaqla yeni iş yerlərinin açıldığını, işsizliyin səviyyəsinin isə 5% təşkil etdiyini iddia edir. 08B
İqtisadiyyat
-
Avropada təbii qazın qiymətləri cümə günü 2023-cü ilin oktyabr ayından bəri ən yüksək səviyyəyə yüksələrək, bölgədə gözlənilən soyuq hava dalğası fonunda artan tələbat gözləntilərini əks etdirib.
-
ABŞ-ın prezidenti Donald Trampın təklif etdiyi enerji və ticarət siyasətləri qlobal neft və qaz qiymətlərində uzunmüddətli enişə səbəb ola bilər. Bu isə 2026-cı ildən etibarən Azərbaycanda iqtisadi sabitliyin pozulmasına gətirib çıxara bilər, əgər fundamental struktur islahatları həyata keçirilməzsə, iqtisadçı Qubad İbadoğlu son analizində xəbərdarlıq edib.
-
Azərbaycan kənd təsərrüfatı sektorunu şaxələndirmək istiqamətində addım ataraq ölkənin ilk kommersiya məqsədli banan istehsalına start verib. Yerli istehsalçı Fruitland tropik meyvələri daxili bazara təqdim edir.
-
Azərbaycan, Gürcüstan, Türkiyə və Bolqarıstan yaşıl enerjinin ötürülməsi sahəsində qarşılıqlı anlaşma memorandumu layihəsinin mətnini razılaşdırıblar. Bu, regionda dayanıqlı enerji əlaqələrinin inkişafında mühüm addım kimi qiymətləndirilir. Sənəd ölkələr arasında enerji mübadiləsini genişləndirmək və Yaşıl Enerji Dəhlizi layihəsi üçün hüquqi baza yaratmaq məqsədini daşıyır.
Rəy yaz