İlin sonuna kimi Transanadolu (TANAP) kəmərinin 150 km-i qaynaq ediləcək. Bu barədə TANAP konsorsiumu məlumat yayıb.
Qeyd edək ki, SOCAR prezidenti Rövnəq Abdullayev jurnalistlərə bildirib ki, 2015-ci ildə 50 km magistral qaz kəməri qaynaq ediləcək.
Hazırda TANAP layihəsində bilavasitə 5 min 500 nəfər, dolayısı ilə 10 min nəfər çalışmaqdadır.
Türkiyədə boru xəttinin keçdiyi ərazilərdə torpaq sahələrinin layihə məqsədləri üçün istifadə işləri tamamlanıb və boru yerləşdirmənin 800 km-lik qismi podratçılara təslim edilib.
Qeyd edilir ki, TANAP layihəsinin mühəndislik, satınalma, inşaat idarəçiliyi və digər layihə fəaliyyətləri London, Bombey, Ankara, Qars, Ərzurum, Ərzincan, Sivas, Yozqatda davam edir:
Tədarükçü və mühəndislik xidmətləri alınan şirkətlər arasında Çinin "Baosteel Europe GmbH", İtaliyanın "Sicim" və "Valvitalia", Amerikanın "General Electric Oil & Gas" və ABB, Belçikanın "Solar Turbines" və Almaniyanın ILF kimi beynəlxalq şirkətləri yer almaqdadır.
Bundan savayı, detallandırılmış mühəndislik işləri və layihə idarəçiliyi İngiltərənin "Warley Parsons", ilkin mühəndislik işləri isə "Bechtel" şirkətləri tərəfindən icra olunmaqdadır. Beynəlxalq ƏMTQ (Ətraf Mühitə Təsirin Qiymətləndirilməsi) hesabatının hazırlanmasında isə İtalyanın "Golder Associates" və İngiltərənin ERM şirkətləri xidmət göstərməkdədirlər. –12D—
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz