Maliyyə Nazirliyi təklif edir ki, 2016-cı ilin büdcəsində neftin barrelinin qiyməti $25 götürülsün, deyə 20 yanvarda maliyyə naziri Samir Şərifov jurnalistlərə bildirib.
«Biz təklif edirik ki, 2016-cı ilin büdcəsində neftin barrelinin qiyməti $25 götürülsün. Bundan başqa, büdcənin gəlirlər və xərclər hissəsinə dəyişikliklər ediləcək. Həmçinin pensiya, əmək haqları, müavinətlərin artırılmasına dəstək verilməlidir»,- deyə nazir bildirib.
Amma büdcəyə yenidən baxılması tarixi təyin edilməyib.
Dünən AMB sədri E.Rüstəmov qeyd edib ki, yenidən baxılan dövlət büdcəsində neftin orta ixrac qiyməti $30-dan çox olmayacaq.
Ötən il dekabrın 7-də prezident dövlət büdcəsini təsdiq edəndə neftin orta ixrac qiyməti $50 götürülüb. –12B--
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz