7 ayda Azərbaycan büdcəsində profisit ÜDM-in 3,6%-i təşkil edib

Yanvar-iyul aylarında dövlət büdcəsinin profisiti (gəlir və xərc hissələri arasında müsbət fərqi) ÜDM-in 3,6%-i yaxud 1 mlrd 147,2 mln manat təşkil edib. Dövlət Statistika Komitəsinin Maliyyə Nazirliyinə istinadən verdiyi məlumata görə, qeyd olunan müddətdə büdcənin gəlir hissəsi ötən illə müqayisədə 17,5% yaxud 1690,2 mln manat, xərc hissəsi isə – 18,8% - 16,18,5 mln manat artıb.

Avqustun 1-ə olan vəziyyətə əsasən dövlət büdcəsinin gəlirləri 11 mlrd 371,4 mln manat təşkil edib. Əsas ağırlıq (59,2%) son illərin ənənəsinə görə vergilərin deyil, Dövlət Neft Fondundan transfertlərin üzərinə düşüb. Daxil olmaların qalan hissəsi vergilərin payına düşüb, 14,8% hüquqi şəxslərin gəlir vergisi, 13,2% - ƏDV, 4,2% - fiziki şəxslərin vergisi, 3,3% - xarici ticarət dövriyyəsindən vergi, 3% - aksizlər, 2,3% - digər növ vergi daxil olmaları.

Göstərilən dövrdə xərclər 10 mlrd 224 mln manat səviyyəsində olub, böyük hissəsi sosial sahə və iqtisadi tədbirlərin maliyyələşdirilməsinə yönəlib. Bu zaman 44,4% yaxud 4 mlrd 540,2 mln manat investisiya xərcləri təşkil edib, 10% yaxud 1 mlrd 25,3 mln manat sosial müdafiə və sosial təminata ayrılıb. Təxminən o qədər - 10,6% yaxud 1 mlrd 84,9 mln manat təhsil və səhiyyənin ehtiyaclarına ayrılıb.

Maliyyə Nazirliyinin dövlət büdcəsinin yanvar-iyul aylarında icrası ilə bağlı hesabat gecikir, Dövlət Statistika Komitəsinin rəqəmləri isə tapşırılan əsas parametrləri əks etdirmir. --17B—