ABB-nin xalis mənfəəti 2 dəfə azalıb

2014-cü ildə Azərbaycan Beynəlxalq Bankının əməliyyat mənfəəti 33,4 mln manat, olub. Bu, əvvəlki ilkindən 46 mln manat azdır. Bunu bu gün açılanan maliyyə hesabatı (auditor “Doloitte & Touche” MMC) göstərir.

Üç bank (ABB, «ABB-Gürcüstan», «ABB-Moskva), sığorta, lizinq və prosessinq şirkətlərinin daxil olduğu qrupun gəlirləri 810 mln manat olub. Bu, 2013-cü ildəkindən 220 mln manat çoxdur. ABB mümkün itkilər üçün 198,4 mln manat ehtiyat toplayıb. Bu, əvvəlki ildəkindən 11 dəfə çoxdur. Görünür, bank devalvasiya ilə bağlı problemli kreditlərin artımından çəkinir.

2014-cü ildə qrupun inzibati və əməliyyat xərcləri 2013-cü ildəki qədər – 146 mln manat olub.

Qrupun vergiyə qədər mənfəəti 33,4 mln manat təşkil edib. 7,9 mln manat mənfəət vergisi ödənilib. Bank valyuta məzənnəsi fərqi üzrə mümkün itkilərlə əlaqədar ehtiyatda 11 mln 147 min manat saxlayıb. Beləliklə, səhmdarlara 2014-cü ildə 14 mln 363 min manat ayrılıb, bu, 2013-cü ildəkindən 62,1 mln manat azdır. Bir səhm səhmdarlara 0,01 manat gətirib. Bu yaxınlardakı ümumi yığıncaqda qərara alınıb ki, mənfəət bölünməsin.

Ötən il ABB-nin aktivləri 19,7% artaraq 9,2 mlrd manat olub. Bunun 7,85 mlrd-ı verilən kreditlərdir.

Dövlət Maliyyə Nazirliyinin şəxsində ABB-də 51,07% səhm sahibidir. Dövriyyədəki səhmlərin məbləği 590,2 mln manatdır.

Dövlətin nəzarətində olan digər bank “AzərTurkBank” (75%) ASC-dir. Bu bankın kapitalı 50 mln manatdır. 08B