ABŞ dövlət katibi Xəzərlə Avropa arasında qaz infrastrukturu tikintisinin vacibliyi haqqında

ABŞ energetika sahəsində öz vəzifələrindən birini enerji tədarükündə "yarışa yardımda və inhisarın aradan qaldırılmasında" görür. Bu barədə ABŞ dövlət katibi Hillari Klinton ötən həftə Corctaun Universitetində "ХХI əsrdə energetika diplomatiyası" mühazirəsində bildirib.

"Görün Avropada nə baş verir. Bir çox Avropa ölkələri on illərlə qazın çoxunu Rusiyadan alıb", - deyə Klinton bildirib.

Amma indi, deyə o qeyd edib, ABŞ-da istehsal artımı ilə bağlı vəziyyət dəyişib. Dünya bazarında daha çox satılmayan qaz var. "Bundan başqa, Xəzər və Mərkəzi Asiyada qaz var. Onlar qazı satmaq, Avropa isə almaq istəyir. Bunun üçün boru kəmərləri çəkilməlidir", - deyə o qeyd edib. 

"Cənub dəhlizi” adlanan layihənin məqsədi budur. O, Avropada boru kəməri çəkilməsini nəzərdə tutur", - deyə Klinton bildirib. Onun sözlərinə görə, ABŞ bu layihənin uğuru üçün iştirakçılarla fəal əlaqədə hərəkət edir.

Məlumdur ki, "Cənub dəhlizi” Xəzər regionu və Mərkəzi Asiyadan Rusiyadan yan keçməklə Avropaya qaz kəməri çəkilməsini nəzərdə tutur. 

Hillari Klintonun sözlərinə görə, ABŞ bu layihəyə yardım edir, çünki "bu ölkələrin möhkəmlənməsini, iqtisadiyyatının güclənməsini istəyir. Həm də energetikada inhisar rsiklər yaradır".

"Dünyanın hər yerində bir ölkə energetika və ya başqa sahədə başqasından asılı olanda siyasi və iqtisadi müstəqilliyi sarsılır. Bu həmçinin ölkələri təhdidlərə qarşı zəiflədir", - deyə Klinton bildirib. 

Ona görə, deyə o bildirib, "NATO enerji təhlükəsizliyini bu dövrün təhlükəsizliyində əsas məsələ sayır". Bu barədə RBK məlumat verir. --0—