SOCAR 2016-cı ilin iyununda “Azəri”, “Çıraq” və “Dərinsulu Günəşli” yataqları üzrə yeni saziş imzalaya bilər.
Yeni saziş mənfəət bölgüsü sazişi (production sharing agreement) olacaq. Saziş mövcud tərəfdaşlarla imzalanacaq. Bunlar BP (35,78% - оператор), Chevron (11,27%), ExxonMobil (8%), ONGC (2,72%), SOCAR (11,65%), Inpex Corp. (10,96%) və ITOCHU Oil (4,3%), Statoil (8,56%), TPAO (6,75%) şirkətləridir.
Turan Agentliyi hökumət mənbələrindən öyrənib ki, indiki saziş 2024-cü ilə kimi qüvvədə olacaq sazişin uzadılması deyil. Yeni saziş 25 illik – 2041-ci ilin sonuna kimi (saziş yenə Milli Məclisdə təsdiq edilməldir) olacaq.
Dövlətin yeni sazişdə bir sıra imtiyazları olacaq. “Əlbəttə, ölkədə investorların iş şəraiti yaxşılaşıb. Onların riskləri 90-cı illərin ortalarındakından dəfələrlə azalıb. Ona görə kommersiya şərtləri də fərqli olacaq”, - deyə Turan-ın müsahibi bildirib.
İlkin məlumata görə, yeni saziş çərçivəsində “Azəri” yatağında 48 quyuluq yeni özül tikiləcək. Bundan başqa, mövcud platformalar genişləndiriləcək və onlardan 150 quyu qazılacaq.
1 yanvar 2016-cı ilə kimi AÇG-də 385,6 mln ton neft çıxarılıb. 2041-ci ilin sonuna kimi AÇG-dən 900 mln ton neft çıxarılması planlaşdırılır. Sonrakı illərdə yeni texnologiyalara ehsabına çıxarıla biləcək neft həcmini 100-150 mln ton artırmaq olar. –12В--
İqtisadiyyat
-
Azərbaycan Prezidenti İlham Əliyev bazar ertəsi günü sosial rifahın yaxşılaşdırılmasına yönəlmiş sərəncam imzalayıb. Sərəncama əsasən, ölkədə minimum aylıq əməkhaqqı 1 yanvar 2025-ci ildən etibarən 400 manat (235 ABŞ dolları) müəyyən edilib.
-
Türkiyə şirkətləri YDA və ASFAT Qazaxıstanın Kurık limanı yaxınlığında gəmiqayırma zavodu tikməyi planlaşdırır. Bu təşəbbüs Qazaxıstanın daxili donanma çatışmazlığını həll etmək məqsədini daşıyır. Qazaxıstanın Nəqliyyat Naziri Marat Karabayev bu barədə bazar ertəsi parlament sessiyasında məlumat verib. Layihə, Qazaxıstanın dəniz imkanlarını və logistika infrastrukturunu gücləndirmək ambisiyalarını vurğulayır.
-
Qazaxıstanın Nəqliyyat Naziri Marat Karabayev ölkənin Avrasiyada aparıcı nəqliyyat və logistika mərkəzinə çevrilməsi üçün cəsarətli yol xəritəsini təqdim etdi. Bazar ertəsi parlamentdə çıxış edən Karabayev, Şərq-Qərb və Şimal-Cənub dəhlizləri arasında illik 1 trilyon dollarlıq yük axınından pay almaq strategiyalarını ətraflı izah etdi.
-
ASCO-ya məxsus təmir olunmuş “Şahdağ” bərəsi Azərbaycan-Kazaxıstan marşrutu üzrə fəaliyyətini bərpa edərək Xəzər dənizinin hər iki tərəfindəki limanlarda yük maşınlarının sıxlığını azaltmağı hədəfləyir.
Rəy yaz