SOCAR Türkiyədə 1800 YDM ala bilər

SOCAR Türkiyədə OMV Petrol Ofisi şirkətinin səhmlərini almaqda maraqlıdır.

2016-cı ilin əvvəlində Avstriya şirkəti xərclərini optimallaşdırmq üçün OMV Petrol Ofisi A.S-nin bütün səhm zərfini satmaq qərarına gəlib.

SOCAR-ın prezidenti Rövnəq Abdullayevin sözlərinə görə, bu məsələ OMV-nin təklif və şərtlərindən asılıdır: "OMV Türkiyədəki yanacaqdoldurma məntəqələrinin satışını elan edib və biz bu məsələdə maraqlıyıq. Lakin hər şey bu sövdələşmənin şərtlərinin nə qədər sərfəli olacağından asılıdır". Türkiyə KİV-nin məlumatına görə, səhmləri SOCAR-la yanaşı,  Çin və Yaponiya şirkətləri də almaq istəyir.

Qeyd edək ki, 2017-ci ilin sonunda SOCAR-ın İzmirdəki STAR NEZ zavodunun tikintisi başa çatır. SOCAR-ın öz NEZ-inin olması neft məhsulların satışı şəbəkəsini də zəruri edir.  

* Hazırda OMV Petrol Ofisinin Türkiyədə 1785 YDM-i, mineral yağ istehsal edən fabrikir, LPG terminalı (sıxılmış qaz) var. Avstriyanın OMV AG şirkəti 2010-cu ildə Dogan Siketler Gruрundan 54% səhmi $1,3 mlrd-a alıb və sonra payını 96%-ə çatdırıb.—0--