BP-Azerbaijan şirkətinin 2012-ci ilin oktyabrından gördüyü tədbirlərə baxmayaraq “Azəri-Çıraq-Günəşli” kontrakt meydançasında hasilat sürətlə azalır.
BP-Azerbaijan şirkətinin hesabatına əsasən, 2013-cü ilin 9 ayında AÇG kontrakt meydançasında 10 istismar quyusu, “Çıraq” platformasından 3 yeni quyu istifadəyə verilib. Amma platformada orta sutkalıq hasilat 5 200 barrel azalıb.
AÇG-nin ən iri platforması olan “Mərkəzi Azəri”də 4 yeni quyu istifadəyə verilib. Amma bu, uğur gətirməyib – platformada orta sutkalıq hasilat 13 000 barrel azalıb.
BP-Azerbaijan şirkəti yalnız “Qərbi Azəri” platformasında hasilatı sabit saxlaya bilib. Burda cəmi 1 istismar quyusu istifadəyə verilib. Amma orta sutkalıq hasilat 300 barrel azalıb.
Ən yüksək hasilat azalması “Şərqi Azəri” platformasında olub. Bu, təsadüfi deyil. Bu il bu platformada bir dənə də istismar quyusu istifadəyə verilməyib. Üstəlik, bir subasma quyusu istismardan çıxarılıb. Nəticədə orta sutkalıq hasilat 26 min barrel azalıb.
BP-Azerbaijan şirkətinin hasilat artımı olan yeganə platforması “Dərinsulu Günəşli”dir. Burda 4 quyu qazılması nəticəsində müsbət nəticə alınıb. Bu həm də ən gec istismara verilən hasilat platformasıdır. Burda neft 2008-ci ilin aprelindən çıxarılır.
| Platformalar | 2013-cü ilin 9 ayı | 2012-ci ilin 9 ayı |
| Çııraq | 70 800 | 76 000 |
| Mərkəzi Azəri | 150 700 | 163 000 |
| Qərbi Azəri | 191 700 | 192 000 |
| Şərqi Azəri | 113 000 | 139 000 |
| Dərinsulu Günəşli | 137 000 | 114 000 |
| Cəmi | 663 200 | 684 000 |
İqtisadiyyat
-
2025-ci il üçün Azərbaycanın dövlət büdcəsi layihəsi iqtisadi artım, sosial inkişaf və azad edilmiş ərazilərin bərpası da daxil olmaqla, Prezident İlham Əliyevin müəyyən etdiyi strateji məqsədləri prioritet kimi qəbul edir. Bu barədə bazar ertəsi keçirilən parlament iclasında yüksək səviyyəli rəsmilər məlumat veriblər.
-
Bakı Metropoliteninin rəhbərliyi tez-tez yeni metro xətləri və stansiyaları ilə bağlı layihələr elan edir, lakin rəsmi məlumatlarda bir kilometr xətlərin çəkilməsi və ya konkret metro stansiyalarının tikintisinin dəyəri haqqında heç bir məlumat verilmir. Jurnalistlər bəzi məlumatları qeyri-rəsmi mənbələrdən əldə edirlər ki, bu da belə məlumatların etibarlılığına şübhə yaradır. Məsələn, 2021-ci ildə hökumətin qeyri-rəsmi mənbəsi tərəfindən Bənövşəyi xətt üzrə bir stansiyanın tikintisinin planlaşdırılmış işlərinin dəyərinin 60 milyon manat olduğu bildirilmişdi. Bu məbləğə isə daxili işləmə işləri, rabitə xətləri, elektronika, eskalator və liftlərin quraşdırılması daxil deyildi.
-
Azərbaycan Milli Məclisi (Parlament) bazar ertəsi 2025-ci il üçün dövlət büdcəsi layihəsini müzakirə etməyə başlayıb. Layihədə xərclər 41,368 milyard manat səviyyəsində proqnozlaşdırılır.
-
Azərbaycanın heyvandarlıq sektoru yerli istehsalda cüzi artım nümayiş etdirib, lakin ətin və süd məhsullarının idxalının kəskin artması ilə bağlı ciddi problemlərlə üzləşir. Dövlət Statistika Komitəsinin son məlumatları bu paradoksu əks etdirərək, yerli istehsalın artdığını, lakin idxalın daha sürətlə böyüdüyünü və davamlı qiymət artımları ilə müşayiət olunduğunu göstərir.
Rəy yaz