Azərbaycan Dəmir Yolları" QSC Bakı-Sumqayıt elektrik qatarları ilə sərnişin daşınması imkanları genişləndiriləcək. Bunu jurnalistlərə QSC sədri Cavid Qurbanov deyib.
Bakı-Sumqayıt dəmir yolu üçün “Stadler Rail Group” şirkətinin daha iki qatarı gətiriləcək. Onun sözlərinə görə, qatarlardan biri artıq yoldadır, ikincisi isə dekabrın sonunda və ya yanvarın əvvəlində Bakıya gələcək: “Həmçinin Riqadan gələn köhnə qatarlarımız var, onları təmir etmişik. Əgər lazım olarsa, həmin qatarları dəmir yoluna buraxa bilərik”. C.Qurbanov qeyd edib ki, dəmir yollarında gediş kartlarından istifadəyə keçid də planlaşdırılır.
Gələcəkdə Bakı-Zabrat-Pirşağı-Novxanı-Corat-Sumqayıt marşrutu ilə hərəkət bərpa ediləcək. Hazırda yol boyu qanunsuz tikililər sökülür, keçidlər tikilir və s. Bu işlərə $500-550 mln xərclənəcək.
Qurbanov deyib ki, Bakı-Sumqayıt xətti üzrə gediş haqqı dəyişməyəcək. Hazırda xidmətdən hər gün 3 min nəfər istifadəe dir. Marşrut genişləndiriləndən sonra bu göstərici 20-30 min nəfərə çatacaq. --17D—
İqtisadiyyat
-
Azərbaycan Prezidenti İlham Əliyev cümə axşamı günü ölkənin azad olunmuş ərazilərində dövlət idarəçiliyi və bərpa xidmətlərinə dair əvvəlki prezident fərmanlarına dəyişikliklər edilməsi ilə bağlı fərman imzalayıb. Bu dəyişikliklər, həmin regionların idarə edilməsi və bərpası üzrə vəzifələrin dəqiqləşdirilməsi və əməliyyat səmərəliliyinin artırılmasına yönəldilib.
-
Azərbaycanın Energetika Nazirliyi Bakıda Cənub Qaz Dəhlizi (CQD) Məşvərət Şurasının 11-ci iclası və "Yaşıl Enerji" Şurasının üçüncü nazirlər toplantısının keçirilməsi üçün hazırlıqlara başlayıb.
-
Nazirlər Kabineti, ixracatçıları və investorları 2025-ci ildə dəstəkləmək məqsədilə ölkənin İxracın və İnvestisiyaların Təşviqi Agentliyi (AZPROMO) tərəfindən göstəriləcək xidmətlərin ətraflı siyahısını təsdiq edib. Qərar 22 yanvar 2025-ci il tarixində qəbul edilmiş 11 nömrəli Qərarla rəsmiləşdirilib.
-
Azərbaycan Mərkəzi Bankının (AMB) sədri Taleh Kazımov yanvarın 23-də Azərbaycan, Yaxın Şərq və Mərkəzi Asiya üzrə Beynəlxalq Valyuta Fondunun (BVF) missiyasının rəhbəri Anna Bordon ilə ölkənin əsas iqtisadi prioritetlərini müzakirə etmək üçün görüş keçirdi. Görüşdə makroiqtisadi problemlərin həlli, etibarlı pul-kredit siyasəti islahatlarının həyata keçirilməsi və orta müddətli perspektivdə maliyyə sektorunun sabitliyinin təmin edilməsi istiqamətində birgə səylər vurğulandı.
Rəy yaz