Lisenziyalar və icazələr haqqında qanun layihəsi müzakirə edilib

Milli Məclisinin iqtisadi siyasət, sənaye və sahibkarlıq üzrə komitəsində "Lisenziyalar və icazələr haqqında" qanun layihəsi müzakirə olunub.

İqtisadiyyat və sənaye nazirinin müavini Sahib Məmmədov bildirib ki, hazırda lisenziayalar 15 günə verilir, təklifdə əsasən lisenziyaların verilməsinin müddətinin 10 iş günü, icazələr üçün isə 7 iş gününə kimi azaldılması planlaşdırılır. “Ölkədə lisenziyalaşdırma sahəsi tənzimlənir və bu sahədə müəyyən hüquqi baza olsa da, icazələr üçün hüquqi baza yoxdur. Ona görə, bu layihədə "icazələr" anlayışı da əksini tapıb və icazələrin hüquqi bazası formalaşdırlır. Bundan başqa, lisenziya və icazələrin verilməsi prinsiplərinin sadələşdirilməsi, sərf olunan vaxtın azaldılması, "bir pəncərə" prinsipinin tətbiqi nəzərdə tutulub. Layihədə əsas məqam lisenziya və icazələrlə bağlı vahid siyasətin müəyyənləşdirilməsi ilə bağlıdır. Layihədə yeni prinsiplərdən biri də bu sahədə "susmaqla razılıq" prinsipidir. Yəni, sahibkarın hər hansı fəaliyyət üçün müraciətinə dövlət orqanı tərəfindən cavab verilməzsə, sahiblar fəaliyyətə başlaya bilər.

Xatırladaq ki, Azərbaycanda lisenziyalar 59 fəaliyyət növü üzrə 23 dövlət orqanı tərəfindən verilir. ---17D—