![AİB Bakıda su təchizatı və kanalizasiya layihələrinin maliyyələşdirilməsini müzakirə edib](https://turan.az/resized/./turan-750-500-resize.webp)
AİB Bakıda su təchizatı və kanalizasiya layihələrinin maliyyələşdirilməsini müzakirə edib
Azərbaycanda səfərdə olan Asiya İnkişaf Bankının icraçı direktoru Antoni Beyker sentyabrın 11-də Bakıda su təchizatı və kanalizasiya layihələrinin həyata keçirilməsi və maliyyələşdirilməsi məsələsini müzakirə edib
“Azərsu” ASC-nin ictimaiyyətlə əlaqələr departamentində Turan-a bildiriblər ki, “Azərsu” ASC-nin sədri Qorxmaz Hüseynov və AİB-in təmsilçisi bankın su təchizatı və kanalizasiya sistemlərinin yenidən qurulması layihələrində iştirakını yüksək qiymətləndiriblər.
AİB Azərbaycan hökuməti ilə “Şəhər su təchizatı və kanalizasiya layihəsi” və “Su təchizatı və kanalizasiya investisiya proqramı”nı maliyyələşdirir. Bu layihələr Göyçay, Ağdaş, Beyləqan, Ağcabədi və Balakən şəhərlərində həyata keçirilir. İlk üç rayonda AİB-in krediti $70 mln-dur. 2012-2013-cü illərdə dövlət büdcəsindən bu məqsədlə 9 mln manat ayrılıb. Maraqlıdır ki, hökumət su təchizatı və kanalizasiya sistemlərinin yenidən qurulmasını 2009-cu ildən maliyyələşdirir və 2009-2010-cu illərdə bu məqsədlə 13 mln mant xərcləyib. Bu rayonlarda tikinti-quraşdırma işləri davam edir.
“Azərsu” ASC bildirir ki, Ağcabədi və Balakən şəhərlərində isə layihənin icrasına hazırlıq işləri görülür. Amma “Milli Büdcə Qrupu” (www.budget.az) QHT koalisiyasının məlumatına görə, 2009-2013-cü illərdə bu iki rayonda, həmçinin Beyləqan rayonunda su təchizatı və kanalizasiya sistemlərinin yaxşılaşdırılması üçün hökumət 11 mln manat ayırıb.
2013-cü ildə dövlət büdcəsindən su infrastrukturunun inkişafına dövlət investisiyaları 734,4 mln manat olub. Bu, ötən ilkindən 154,4 mln manat çoxdur. 08D
İqtisadiyyat
-
«Caspian International Investment Company» 2023-cü ili 557 min manat xalis zərərlə başa vurub ki, bu da zərərlərin dörd dəfə çox olduğu əvvəlki illə müqayisədə xeyli yaxşılaşma deməkdir. Şirkətin il ərzində vergiyə qədər itkiləri 264 min manat təşkil edib ki, bu da 2022-ci illə müqayisədə 11 dəfə azdır. Gəlir vergisi ödənişlərinin isə 293 min manat olması strateji fiskal idarəetmə sayəsində əldə olunan səmərəliliyi vurğulayır.
-
Bazar ertəsi Bakıda 24-cü Respublika Arıçılıq Sərgi-Yarmarkası açılıb və orada 120 tona yaxın bal məhsulu satılır. Azərbaycanın 39 rayonundan 275 arıçının iştirak etdiyi tədbir sentyabrın 29-dək davam edəcək.
-
BAKI, 10 sentyabr (Reuters) – “Chain Reaction 2024” konfransı 10 sentyabr tarixində Bakı şəhərində başlamışdır və texnologiya sektorundan liderləri və yenilikçiləri bir araya gətirmişdir. FARI Solutions tərəfindən dördüncü sənaye inqilabı üzrə Təhlil və Koordinasiya Mərkəzi və İnnovasiya və Rəqəmsal İnkişaf Agentliyi ilə əməkdaşlıqda təşkil olunan tədbir, dünyanın ən böyük kriptovalyuta birjası olan Binance tərəfindən dəstəklənir.
-
Azərbaycan hökuməti Baş nazir Əli Əsədovun 6 sentyabr tarixində imzaladığı qərara əsasən, ali təhsil müəssisələrinin maliyyələşmə mexanizminə dəyişikliklər edib. Dəyişikliklər, bakalavr, magistr, tibb və doktorantura proqramlarında müxtəlif akademik səviyyələr və ixtisaslar üzrə tələbələrin illik təhsil xərclərini yeniləyir.
Почему Зангезурский коридор так бесит Иран? - беседа со Станиславом Тарасовым
Xəbər lenti
-
- Cəmiyyət,
- 14:25
- 276
Rəy yaz